Foto: Aqorda
«Prezıdent myrza, Sizdi elimizde memlekettik saparmen qarsy alǵanyma qýanyshtymyn. Estonııa – Qazaqstannyń mańyzdy strategııalyq seriktesteriniń biri. Biz eston halqynyń tarıhyna, dástúrine jáne mádenıetine qurmetpen qaraımyz. Eki eldiń qarym-qatynasy qarqyndy damyp keledi. Memleketterimiz arasynda túıtkildi másele joq. Degenmen ózara yntymaqtastyǵymyzdyń áleýeti zor. Ony ilgerilete berýimiz kerek. Sizdiń bul saparyńyz ekijaqty yqpaldastyǵymyz ben dostyq baılanystarymyzǵa tyń serpin beredi dep senemin. Saýda salasynda túrli kedergiler bar ekenin bilemiz. Biraq bul baǵyttaǵy birlesken jumys alǵa jyljyp keledi. Qazaqstan Estonııanyń teńiz porttaryn paıdalanýǵa, saýda-sattyq kólemin arttyrýǵa nıetti. Sondaı-aq halyqaralyq uıymdar aıasyndaǵy, sonyń ishinde Birikken Ulttar Uıymy, BUU Qaýipsizdik Keńesi jáne basqa da qurylymdar sheńberindegi syndarly yqpaldastyqty óristetýge múddelimiz. Osy sapardyń nátıjesinde mádenı baılanystarymyz da órkendeı túsedi dep úmittenemin», dedi Qasym-Jomart Toqaev.
О́z kezeginde Estonııa prezıdenti Alar Karıs eki eldiń qarym-qatynasynyń óte jaqsy deńgeıde ekenin atap ótti.
«Bizdiń qarym-qatynasymyz óte jaqsy deńgeıde. Álbette, keıbir kedergiler bar, biraq ony eńserýge bolady. Keıde biz túıtkilderdiń ońaı sheshiletinin ańǵara bermeımiz. Bıznes ókilderi qazirdiń ózinde iskerlik qatynastar máselesin talqylap jatyr. Birneshe kezdesý josparlanǵan. О́zara túsinistik týraly memorandýmdarǵa qol qoıylmaq, birqatar bastamalardy iske asyratyn bolamyz. Sondyqtan keleshegimiz jarqyn ekenine senimdimin. Jańa baılanystarymyz ózara yntymaqtastyǵymyzdy nyǵaıtýǵa kómektesedi dep úmittenemin. Árıne, álemdegi geosaıası ahýal turaqsyz bolyp tur. Degenmen barlyq problemany birlesip sheshýimiz kerek. Siz BUU týraly aıttyńyz. Bul – óte mańyzdy uıym. Álemde qaqtyǵystar men soǵystar meılinshe az bolýy úshin uıymǵa birshama reforma jasaý qajet», dedi Estonııa basshysy.
