Oblystyq PD baspasóz qyzmetiniń málimetinshe, ótken senbi-jeksenbi kúnderi jol saqshylary mas kúıinde kólik júrgizgen 18 adamdy ustaǵan. Mysaly, 16 qarashada Qostanaı aýdanynda «FAW» markaly kólikti mas kúıinde júrgizip kele jatqan 23 jastaǵy aýdan turǵyny ustalǵan. Onyń buǵan deıin de kólik júrgizý quqyǵynan aıyrylǵany anyqtaldy. Atalǵan azamatqa qatysty eki birdeı ákimshilik is qozǵaldy.
Qarabalyq aýdanynda da osyǵan uqsas derek tirkeldi. Atalǵan aýdanda 37 jastaǵy turǵyn VAZ-21099 avtokóligin mas kúıinde júrgizgeni úshin ustaldy. Ol 15 táýlikke deıin ákimshilik qamaýǵa alynyp, 7 jylǵa júrgizýshi kýáliginen aıyrylýy múmkin. Sońǵy sheshim – sottyń quzyrynda.
«О́tken apta ishinde polısııa 4810 jol qozǵalysy erejesin buzý deregin anyqtady. Sondaı-aq 49 mas júrgizýshi ustaldy. Jol qozǵalysyn qadaǵalaýmen qatar, tártip saqshylary qoǵamdyq qaýipsizdik baǵytynda da belsendi jumys júrgizdi. Máselen, apta ishinde 583 adam medısınalyq aıyqtyrǵyshqa jetkizildi», deıdi oblystyq PD baspasóz hatshysy Karına Bazarbaeva.
Polısııa málimetinshe, qoǵamdyq tártipti qadaǵalaý barysynda beınebaqylaý kameralarynyń kómegi kóp. Mysaly, 1263 quqyq buzýshylyq qala ishindegi, jol boıyndaǵy kameralar arqyly anyqtalǵan.
Qostanaı oblysy
