Foto: Týrızm jáne sport mınıstrligi
Taraptar Qazaqstandaǵy konkımen júgirý sportynyń, ásirese short-trektiń damýy, ISU-pen yntymaqtastyqty nyǵaıtý joldaryn jáne 2026 jylǵy Mılan qysqy Olımpıadasyna daıyndyq máselelerin talqylady.
Mınıstr Erbol Myrzabosynov elimizde short-trektiń júıeli damyp kele jatqanyn atap ótti. Bıyl Qazaqstan quramasy qysqy Azııa oıyndarynda tarıhı altyn medal jeńip alǵan bolatyn. Sondaı-aq, bıylǵy maýsymda Qazaqstan jasóspirimder arasyndaǵy Álem kýboginiń eki kezeńin ótkizý mártebesine ıe boldy. Bul elimizdiń halyqaralyq arenadaǵy bedelin jáne joǵary uıymdastyrýshylyq qabiletin dáleldedi.
Habarlanǵandaı, 2027 jyly Qazaqstan jasóspirimder arasyndaǵy short-trekten álem chempıonatyn ótkizý mártebesin aldy, bul ulttyq konkı sporty tarıhynda eń iri oqıǵa bolmaq.
ISU dırektory Hýgo Herrnhof «Alaý» muz saraıynyń jaǵdaıyn, jarystardyń uıymdastyrylýyn jáne sportshylardyń áleýetin joǵary baǵalap, ISU baǵdarlamalary aıasynda yntymaqtastyqty odan ári damytýǵa daıyn ekenin málimdedi.
