Foto: kursiv.media
Budan da kóp kórsetkish sońǵy ret 2013 jyly tirkelipti. Al eldiń jalpy ımmıgrasııadaǵy úlesi 2014 jyldyń qańtar-qyrkúıeginen beri alǵash ret 50%-dan asyp otyr.
О́zbekstannan kelýshilerdiń úlesiniń 50%-ǵa jýyq deńgeıi 2010 jyldary baıqalǵan eken. Biraq keıin bul kórsetkish te, respýblıkadan kelgen ımmıgranttardyń jalpy sany da tómendegen.
Aıta keterligi, 2016 jyldyń qańtar-qyrkúıegine qatysty egjeı-tegjeıli derekter joq. Alaıda, belgili bolǵany – sol jyly О́zbekstannyń úlesi jyl qorytyndysy boıynsha tek 37% bolǵan. Immıgrasııalyq aǵym jyl ishinde ádette birkelki júretinin eskersek, úsh toqsandaǵy nátıje budan kóp aıyrmashylyqqa ıe bolmaǵany anyq.
Bıylǵy jaǵdaı nelikten ózgerdi?
О́zbekstannan kelgenderdiń sany bıyl byltyrǵy jylmen salystyrǵanda 11%-ǵa ǵana artqan. Alaıda eldiń ımmıgrasııadaǵy úlesi birden 15 paıyzdyq tarmaqqa artty.
Bul nelikten boldy? Sebebi ımmıgranttardyń jalpy sany byltyrǵy 20,4 myńnan bıylǵy 16,2 myńǵa kúrt tómendedi. Munyń negizgi sebebi:
Reseıden turaqty turýǵa kelgenderdiń sany 47%-ǵa azaıǵan (3,1 myń adamǵa deıin).
Mońǵolııadan kelgender byltyrǵy «sekiristen» keıin 71%-ǵa tómendep, 0,3 myń adamǵa deıin qysqarǵan.
О́zbekstannan qaı ult ókilderi kelip jatyr?
Etnostyq qurylym boıynsha derekterge sáıkes, О́zbekstannan kelýshilerdiń úshten eki bóligi – qazaqtar. Olar kóbine Qazaqstannyń ońtústik jáne batys aımaqtaryn tańdap otyr.
Qonystanatyn óńirler boıynsha kórsetkish: Almaty oblysy – kelgenderdiń 41%-y, Mańǵystaý oblysy – taǵy 22%-y.
