Qoǵamda ekologııalyq mádenıetti damytý, qaldyqtardy bólek jınaý daǵdysyn qalyptastyrý jáne turǵyndardyń ekosanasyn arttyrýdy maqsat etken is-sharaǵa aýdan turǵyndary, jastar men stýdentter belsendi qatysyp, qajetsiz gazetterdi, jýrnaldardy, karton men keńse qaǵazdaryn tapsyrdy.
Aksııa barysynda shamamen 2 tonna makýlatýra jınalyp, arnaıy qabyldaý pýnktine jóneltildi.
«Qorshaǵan ortany qorǵaý – ortaq mindetimiz. Búgingi «Qaǵaz boom» aksııasyna turǵyndardyń belsendi qatysýy – qoǵamda ekologııalyq mádenıettiń ósip kele jatqanyn, azamattardyń ekologııa máselesine jaýapkershilikpen qaraı bastaǵanyn kórsetedi. Biz ekologııalyq bastamalardy odan ári damytyp, jastardy tabıǵatqa uqypty qaraýǵa tartýdy jalǵastyramyz», deıdi Jetisý aýdany komıýnıtı-ortalyǵynyń jetekshisi Esen Ábdihalyq.
ALMATY
