Foto: Qarjy naryǵyn retteý jáne damytý agenttigi
«Ekinshi deńgeıdegi bankterge, Qazaqstan Respýblıkasynyń beırezıdent-bankteriniń fılıaldaryna arnalǵan táýekelderdi basqarý jáne ishki baqylaý júıesin qalyptastyrý qaǵıdalaryn bekitý týraly» Qazaqstan Respýblıkasy Ulttyq Banki Basqarmasynyń 2019 jylǵy 12 qarashadaǵy № 188 qaýlysyna ózgeris pen tolyqtyrý engizý týraly» Qazaqstan Respýblıkasy Qarjy naryǵyn retteý jáne damytý agenttigi Basqarmasynyń 2025 jylǵy 7 qarashadaǵy № 70 qaýlysy», delingen qujattyń tolyq mátininde.
Qaýlyda sońǵy 12 aıda 90 kúnnen asa keshiktirilgen qaryzy bar qaryz alýshylar úshin borysh júktemesi koeffısıentin (BJK) 0,5-ten 0,25-ke deıin tómendetý kózdeledi, bul osy qaryz alýshylardyń artyq mindettemeler alý múmkindigin shekteýge jáne qaıta defolt yqtımaldyǵyn azaıtýǵa múmkindik beredi.
Qarjy naryǵyn retteý jáne damytý agenttiginiń baspasóz qyzmetiniń málimdeýinshe, myna talaptardyń biri bolǵan kezde kepilsiz tutynýshylyq qaryzdardy berýge shekteý engiziledi:
- banktik qaryzdar boıynsha kúntizbelik 30 kúnnen asa jáne (nemese) mıkrokredıtter boıynsha 1 kúnnen asa tólem merzimi ótken kezde,
- 2025 jylǵy 1 shildeden bastap sońǵy 36 aıda negizgi borysh jáne (nemese) syıaqy boıynsha tolyq keshirilgen bereshek bolǵan kezde,
- sońǵy 12 aıda qaryz alýshynyń óz mindettemelerin tıisinshe oryndaýyna yqpal etpegen qaıta qurylymdaý júrgizilse.
Atalǵan ózgerister aǵymdaǵy jylǵy 24 qarashadan bastap kúshine enedi.
