Foto: Ashyq derekkóz
«Biz búgin túrli LGBT-aktıvısterdiń memlekettik ınstıtýttarǵa yqpal etýge jáne qoǵamǵa ózderiniń teris ıdeologııasyn tańýǵa baǵyttalǵan aqparattyq shabýyl júrgizip otyrǵanyn kórip otyrmyz. Balalardy qorǵaýǵa arnalǵan oryndy shekteýlerdi olar ádeıi «qýdalaý» nemese «quqyq buzý» dep kórsetedi, ózderin «jábirlenýshi» retinde tanytady. Bul – jalǵan ári arandatý! Emosııalyq qysym kórsetý, kópshilik aldynda óz paıdasyna oınaý, mán-maǵynany burmalaý jáne balalardyń sanasyna erkin jol ashýǵa umtylý – olardyń áreketiniń negizgi sıpaty. Qandaı aqparattyq shýdyń kúshi bolmasyn, sizdi osy manıpýlıasııalarǵa berilmeýge shaqyramyz», deıdi ol.
Baǵıla Baltabaevanyń sózinshe, «bostandyq» uranymen balalardyń sanasyna yqpal etýge jol ashý – bul dıalog emes, ulttyq qundylyqtar júıesine kórsetilgen qysym.
«Búgin biz otbasy turaqtylyǵy men qoǵamnyń tutastyǵyn, urpaqtar sabaqtastyǵyn saqtap qalý sııaqty mańyzdy mindetke tap bolyp otyrmyz. Sondyqtan usynylyp otyrǵan túzetýlerdi «quqyqtardy shekteý» dep kórsetý – máseleni ádeıi burmalap, emosııalyq áser berýge baǵyttalǵan tásil. Taǵy da atap ótkimiz keledi: bul túzetýler eshbir azamattyń quqyǵyn shekteýge arnalmaǵan. Qazaqstan – ár adam jeke ómirine, qadir-qasıetine jáne qaýipsizdigine quqyly memleket. Alaıda memleket balalardy qorǵaýǵa mindetti», deıdi.
Osyǵan baılanysty qoǵam belsendisi:
- LGBT-propagandany shekteýge baǵyttalǵan túzetýlerdi qoldaýdy;
- Manıpýlıasııalyq aqparattyq qysymǵa boı aldyrmaýdy;
- Qandaı jaǵdaı bolsa da, tabandy jáne turaqty ustanym saqtaýdy suraıdy.
