Jaraqatyna baılanysty Astanaǵa kele almaǵanyna qaramastan, álemniń úzdik qaqpashylarynyń biri 2019 jyly bergen ýádesin oryndady. Ol arnaıy tigilgen, óz esimi jazylǵan COURTOIS markaly qaqpashy qolǵabyn Qazaqstanǵa joldady.
Ulttyq quramanyń medıa ofıseri Seıil Qojataıdyń aıtýynsha, alty jyl buryn Brıýsseldegi match kezinde ol Kýrtýadan qolǵabyn suraǵan, alaıda fýtbolshy ol sátte basqa jankúıerge ýáde etkenin aıtyp, keshirim suraǵan. Bıyl Belgııadaǵy kezdesýde sol áńgimeni qaıta eske salǵanda, qaqpashy: «Astanada beremin» dep ýáde etken.
Kýrtýa jaraqatyna baılanysty Qazaqstanǵa kele almasa da, ýádesinde turyp, qolǵabyn komanda ókili Rýdı arqyly berip jibergen.
Sport mamandarynyń pikirinshe, bul áreket álemdik deńgeıdegi sportshylardyń qarapaıymdylyǵy men jankúıerge degen qurmetin kórsetedi. Ashyq derekke qaraǵanda, qolǵap jaqyn kúnderi Qazaqstan quramasynyń shtab-páterine jetkiziledi.
