Foto: Ashyq derekkóz
Ulttyq ekonomıka mınıstri Serik Jumanǵarın Úkimet otyrysynda «Báıterek» Holdınginiń rólin kúsheıtý josparlary týraly habarlady. Onyń aıtýynsha, holdıngtiń negizgi qyzmeti bólý qyzmetinen strategııalyq ınvestısııalyq jobalardy iske asyrýǵa baǵyttalady.
Qazir «Báıterek» eldiń ınvestısııalyq holdıngine aınalyp, 15-20 júıe quraýshy jobany júzege asyrýǵa shoǵyrlanbaq.
Qarjylandyrýdyń basym baǵyttary retinde taý-metallýrgııa, mashına jasaý, energetıka, ınfraqurylym, týrızm, agroónerkásiptik keshen, tamaq ónerkásibi, hımııa, munaı-gaz hımııasy, agrohımııa jáne qurylys materıaldaryn óndirý kórsetildi.
«Úkimet respýblıkalyq bıýdjet parametrlerine sáıkes 2026 jyly «Báıterek» AQ-ǵa 1 trln teńgege deıin qarajat bólýdi jalǵastyrady. Budan keıin qarjylandyrýdyń negizgi kózi retinde ekinshi deńgeıdegi bankterdiń resýrstary tartylady», dedi Serik jumanǵarın.
