Foto: Úkimet, telegram
Úkimet jalpy ishki ónim (JIО́) kóleminen ekonomıkalyq ósý sapasyna nazar aýdara otyryp, eldiń damýyn baǵalaýdyń jańa modeline kóship jatyr.
S.Jumanǵarınnyń aıtýynsha, ósýdi qamtamasyz etýde adamı kapıtal, negizgi kapıtal, tabıǵı resýrstar, eńbek ónimdiligi jáne tehnologııalar sııaqty mańyzdy faktorlardyń úlesi eskeriletin bolady. Osyǵan baılanysty áleýetti jalpy ishki ónim boıynsha ekonomıkalyq ósýdiń dekompozısııalanýy engizilip jatyr, bul ekonomıkanyń naqty neden ósip jatqanyn túsinýge múmkindik beredi.
О́sýdiń eń mańyzdy faktory «jıyntyq ónimdilik» bolyp otyr. Ol ekonomıkalyq ónimdi qurý prosesinde eńbek pen kapıtal sııaqty barlyq óndiris faktorlaryn paıdalaný tıimdiligin ólsheıdi.
Jıyntyq ónimdiliktiń ósýi tıimdiliktiń jaqsarǵany men tehnologııalyq progresti kórsetedi. Statıstıkaǵa súıensek, 2001-2024 jyldar aralyǵynda óndiris tıimdiligi ekonomıkanyń negizgi qozǵaýshy kúshi bolǵan.
«Eńbek ónimdiligin, tıimdi jumyspen qamtýdy jáne kapıtaldyń tehnologııalyq deńgeıin arttyrý arqyly uzaqmerzimdi óndiristik qabilettilikti joǵarylatýǵa basymdyq beriledi. Bul óz kezeginde jalpy ishki ónim ósýi men jalaqynyń artýy arasyndaǵy alshaqtyqty birtindep joıýǵa alyp keledi», dedi Serik Jumanǵarın.
