Sýret: psymag.info
Dárigerler muny «júrektiń neıro-emosııalyq reaksııasy» dep ataıdy. Iаǵnı mıǵa jetken sezim aqparaty birden júıke júıesi arqyly júrekke beriledi. Qoryqqanda júrek qaǵysy jıileıdi, qýanǵanda keńeıedi, saǵynyshta baıaýlap, aýyr sóz estigende qysylyp qalady. Adam tabıǵaty osyndaı názik.
Psıhologter de osyny qýattaıdy. Adam kóńiliniń qubylýy qan qysymynan bastap, bulshyqet tonýsyna deıin áser etedi. Jaqsy sózdiń janyńa jylý berip, tynyshtandyrýy jaı sımvol emes, dene hımııasynyń reaksııasy. Sol sekildi renish pen aýyr sózden júrektiń birden qysylýy da fızıologııalyq áreket. Ǵalymdardyń aıtýynsha, adamǵa aıtylǵan biraýyz jaqsy sózdiń ózi demeý bolady. Tipti sóz dáriden de kúshtirek áser etedi. Ol adamnyń ishki álemin sabyrǵa shaqyryp, denedegi qysymdy báseńdetedi. Jyly sóz – júrektiń soǵýyn qalypqa túsiretin eń tabıǵı em.
Emosııa men júrektiń baılanysy osylaısha kózge kórinbeıtin, biraq óte jyldam júretin júıe. Onyń eń úlken ereksheligi – adam qandaı sezimde bolsa da, júrek sony birinshi bolyp túsinedi. Sondyqtan mamandar emosııalyq jaı-kúıdi retteý júrek saýlyǵyn saqtaýdyń mańyzdy sharty ekenin aıtady. Júrek – tek qan aıdaıtyn dene múshesi emes, sezimdi saqtaıtyn sandyq.
