Aımaqtar • 20 Qarasha, 2025

Panfılov aýdany qarqyndy damyp jatyr

110 ret

kórsetildi

1 mın

oqý úshin

Jetisý oblysynyń shekaralyq Panfılov aýdanynda áleýmettik sala nysandaryn nyǵaıtý jumystary belsendi júrip jatyr. Sońǵy eki jylda densaýlyq saqtaý salasynda 18 jańa nysan salynyp, 3 obekti jóndeldi. Aýyldyq jerge barǵan 17 dárigerge jalpy 135 mln teńge kóleminde kóterme járdemaqy tólenip, bul medısınalyq kadr tapshylyǵyn azaıtýǵa múmkindik berdi, dep jazady Egemen.kz.

Muhtar KÚMISBEK

Shejin, Nadek, Qyryqqudyq, Altyúı, Almaly, Turpan, Aqjazyq sııaqty aýyldarda dárigerlik ambýlatorııalar, al Aqqudyq, Dıhanqaırat, Sarytóbe, Sadyr, Suptaı, Qorǵas eldi mekenderinde feldsherlik pýnktter salyndy. Birqatar aýyldarda medısınalyq pýnktter paıdalanýǵa berilip, aýdandyq aýrýhananyń jańa blogyn salý jumystary bastaldy. Sonymen qatar 2024–2025 jyldary aýdanǵa 6 sanıtarlyq avtokólik ákelinip, jyl sońyna deıin aýrýhana 13 jańa qural-jabdyqpen qamtamasyz etiledi.

Bilim salasynda da oń ózgerister bar: Jarkentte 1200 oryndyq, Taldyda 300 oryndyq jańa mektepter ashyldy. Suptaı aýylynda 120 oryndyq mekteptiń qurylysy júrip jatyr, Áýlıeaǵash mektebi tolyq jóndeýden ótti. Mádenıet jáne sport nysandary da jańartylyp, Turpanda mádenıet úıi jóndelip, Úsharal men Kóktalda sport keshenderi qoldanysqa berildi.

Áleýmettik ınfraqurylymnyń jańarýy aýdan turǵyndarynyń sapaly medısınalyq kómek alýyna, jaıly bilim alýyna jáne bos ýaqytyn tıimdi ótkizýine jaǵdaı jasap, ómir súrý sapasyn aıtarlyqtaı jaqsartýda.