Foto: Densaýlyq saqtaý mınıstrligi
Prezıdenttiń tapsyrmasymen ótken aptada memlekettik rezervten dári-dármekter, hırýrgııalyq quraldar, tańǵyshtar, shatyrlar, tósek-oryn jabdyqtary jáne basqa da qajetti resýrstar, ıaǵnı, gýmanıtarlyq júk jetkizildi. Sol kezderde medısınalyq brıgada da jiberildi.
Mamandar jergilikti dárigerlerge pasıentterdi ornalastyrýǵa, hırýrgııalyq emsharalar kezegin josparlaýǵa, birlesken taldaýlar júrgizýge jáne eń qıyn jaǵdaılarda kómekke keledi. Osy ýaqyt ishinde Qazaqstan dárigerleri ondaǵan konsýltasııalar ótkizip, zerttep-qarap, otalar jasady.
Densaýlyq saqtaý mınıstriligi dárigerler brıgadasy úzdik mamandardan jasaqtalǵanyn jetkizdi. Olardyń ishinde akademık N.Batpenov atyndaǵy Ulttyq ǵylymı Travmatologııa jáne ortopedııa ortalyǵynan O.Bekarysov, D.Ǵalym, A.Dolgov, R.Ábilov, B.Turlybekov syndy dárigerler bar. Sonymen qatar ulttyq neırohırýrgııa ortalyǵynan S.Karibaı, N.Áshirov, A.Qadyrov bolsa, Ulttyq shuǵyl medısınany úılestirý ortalyǵynan A.Satybaldın, S.Nurtazın, R. Sálimov, A.Qydyrbaev, G.Túsipbekov medısınalyq kómek kórsetip jatyr.
