Zań men Tártip • 21 Qarasha, 2025

«Zań jáne tártip»: elordalyq stýdentter sıfrlyq saýattylyq sabaǵyn ótti

100 ret

kórsetildi

1 mın

oqý úshin

«Zań jáne tártip» qaǵıdaty aıasynda Astana International University stýdentteri úshin sıfrlyq qaýipsizdik boıynsha sabaqtar uıymdastyryldy, dep habarlaıdy elorda ákimdiginiń resmı saıty.

Shyńǵys MUQAEV

«Zań jáne tártip»: elordalyq stýdentter sıfrlyq saýattylyq sabaǵyn ótti

Sabaqtardy Astana qalasy boıynsha Ekonomıkalyq tergep-tekserý departamentiniń qyzmetkerleri júrgizdi. Negizgi maqsat – jastarǵa jeke derektermen saýatty jumys isteýdi úıretý jáne ınternettegi jalǵan aqparatty taný daǵdylaryn qalyptastyrý.

Departament qyzmetkeri stýdentterge sıfrlyq gıgıena uǵymyn túsinikti ári qoljetimdi túrde túsindirdi. Onyń aıtýynsha, sıfrlyq gıgıena – ınternette qaýipsiz áreket etýge arnalǵan erejeler jıyntyǵy, ol ózińdi jáne jeke derekterińdi qorǵaýǵa kómektesedi. Bul, ásirese, jastar úshin mańyzdy, óıtkeni olar jelidegi barlyq qaýip-qaterdi árdaıym tolyq baǵamdaı bermeıdi.

Sıfrlyq gıgıeneni úırený – naqty ómirdegi qarjylyq qaýipsizdik negizderin meńgerýmen birdeı mańyzdy.

Sabaq barysynda stýdentter dıpfeıkterdiń qalaı jasalatynyn, olardyń bopsalaý, qarjylyq alaıaqtyq jáne jalǵan aqparat taratý shemalarynda qalaı qoldanylatynyn bildi. Sonymen qatar ınternettegi qaýipsiz minez-qulyq qaǵıdalary, jeke derekterdi qorǵaý tásilderi, fıshıng, onlaın alaıaqtyq jáne derekterdiń taralýy sııaqty ózekti qaterler jaıly aqparat aldy.

Is-shara belsendi jáne ınteraktıvti formatta ótti: stýdentter suraqtaryn qoıyp, jaýap aldy, sondaı-aq sıfrlyq qaýipsizdikke qatysty praktıkalyq keńester tyńdady.

Mundaı kezdesýler jastardyń túrli alaıaqtyq túrlerine qarsy ımmýnıtetin kúsheıtip, olardyń sıfrlyq jáne qarjylyq qaýipsizdigin arttyrýǵa yqpal etedi.