QR UOK málimetinshe, daýys berý 2025 jyldyń 23 qarashasynda Rım qalasynda ótetin Kongress otyrysy barysynda uıymdastyrylady.
Barlyq úmitker Sport Resolutions uıymynyń qoldaýymen jumys isteıtin úsh táýelsiz halyqaralyq sarapshydan quralǵan Táýelsiz baǵalaý komıssııasynyń tekserisinen ótti. Komıssııa olardyń kásibı talaptarǵa sáıkestigin baqylap, maquldaǵan úmitkerlerdi ǵana saılaýǵa jiberdi.
Quzyrly organ 2025 jyldyń qazan aıynda túsken barlyq ótinishti qarap, komıssııa oń qorytyndy bergen úmitkerlerdi saılaýǵa qatysýǵa ruqsat etti.
Prezıdent laýazymyna jalǵyz úmitker – Gennadıı Golovkın. World Boxing Jarǵysyna sáıkes, eger basshylyq qyzmetke bir ǵana úmitker usynylsa, Kongress ony balamasyz negizde, ıaǵnı biraýyzdan maquldaıdy.
Prezıdent saılaýynan bólek, kún tártibine vıse-prezıdent pen Atqarýshy komıtettiń eki múshesin saılaý engizilgen. Tómende bekitilgen úmitkerlerdiń tizimi berilgen.
Vıse-prezıdent laýazymyna úmitkerler:
- Chaıvat Chotıma (Taıland)
- Ishtvan Kovach (Vengrııa)
- Raıan O’Shı (Kanada)
Atqarýshy komıtetke úmitkerler:
- Mýlýd Býzıan (Fransııa)
- Norbert Keller (Belgııa)
- Ishtvan Kovach (Vengrııa)
- Donatas Machıanskas (Lıtva)
- Mıhael Mıýller (Germanııa)
- Tasýıa Nakama (Japonııa)
- Raıan O’Shı (Kanada)
Saılaý ótkizý tártibi
Kongress - World Boxing uıymynyń joǵary basqarý organy. Rımdegi otyrysqa vıse-prezıdent Dına Glıkıdıs tóraǵalyq etedi. Saılaý prosesin táýelsiz qurylym qamtamasyz etedi. Sondaı-aq baqylaýshylar qatysyp, barlyq rásimniń ashyqtyǵy men reglamenttiń saqtalýyn qadaǵalaıdy.
