Tbılısıde Saakashvılıdiń jaqtastary úkimetti synaǵan aksııa ótkizdi

ASTANA. 22 naýryz. Keshe Tblısıde eldiń burynǵy prezıdenti Saakashvılıdiń jaqtastary kóp myń adam qatysqan sherý ótkizip, ondy úkimetti otstavkaǵa ketýge shaqyrdy. Bul týraly «Novostı-Grýzııa» habarlady. «Grýzııa úkimeti halyqtyń tolyq senimin joǵaltyp aldy, endi ol otstakaǵa ketýi kerek». Eldiń burynǵy prezıdenti Mıhaıl Saakashvılı «Birtutas ulttyq qozǵalys» partııasy uıymdastyrǵan narazylyq aksııasyna qatysýshylarǵa osyndaı úndeý joldady. «Grýzııa úkimeti búginde halyqtyń senimin tolyq joǵaltyp aldy, ol áldeqashan ótirikke belshesinen batqan bolatyn. Endi bılik basynan reseılik olıgarh pen onyń sybaılastaryn alyp tastaý ǵana qaldy. Qozǵalysty toqtatýǵa bolady, biraq onyń jalǵasy Grýzııany qurtyp tynady», - dep málimdedi Saakashvılı Brıýsselde otyryp. «Biz óte jaqyn arada Grýzııany osy bir is-áreketsiz qara kúshterden azat etemiz, sóıtip ony jarqyn jolǵa shyǵaramyz», - dep saırady Saakashvılı budan ári. Uıymdastyrýshylardyń aıtýlarynsha, aksııaǵa barlyǵy 50 myńǵa jýyq adam qatysqan. Olar sharanyń áli jalǵasa beretinin aıtyp otyr. Murat Aıtqoja.