Ázerbaıjannan kelgen qazylar alqasynyń múshesi Samıra Efendı fınalıst Saro Gevorgıandy sahnada qushaqtap, oǵan jyly lebizin bildirdi. Sonymen qatar Ázerbaıjan Armenııa ókiline eń joǵary – 12 ball qoıdy.
Bul sát Ázerbaıjan men Armenııa arasyndaǵy saıası jaqyndasý kontekstinde erekshe mánge ıe. Tamyz aıynda eki memleket áskerı qaqtyǵystan bas tartý týraly deklarasııaǵa qol qoıǵan bolatyn. Jaqynda Armenııa Premer-mınıstri Nıkol Pashınıan «Armenııa men Ázerbaıjan arasyndaǵy beıbitshilik Almaty deklarasııasyna negizdeledi» dep málimdep, Qazaqstan Prezıdentine rızashylyǵyn bildirdi.
Kórermender men áleýmettik jeli qoldanýshylary bul jaǵdaıdy mádenıet pen ónerdiń halyqtardy jaqyndastyratyn qýatty kúshi retinde baǵalap jatyr.
