Keńse júrgizgen taldaý nátıjeleri boıynsha jekeshelendirýge jatatyn 473 sýbektiniń tizbesi qalyptastyrylyp, Qazaqstan Respýblıkasy Úkimetimen bekitildi.
Sonymen qatar sıfrlyq platforma – Keńseniń resmı saıty iske qosyldy. Onda memlekettik menshik obektileriniń ashyq tizbesi jarııalanǵan. Bul platforma arqyly bıznes sýbektileri ózderin qyzyqtyrǵan aktıvterge ótinim berip, jekeshelendirý prosesin «memleketten bızneske» emes, kerisinshe bıznes bastamasy arqyly bastap, jedeldete alady (jekeshelendirýge tyıym salynǵan obektilerdi qospaǵanda).
2026 jyly Ulttyq jekeshelendirý Keńsesi ekonomıka salalaryndaǵy memlekettiń qatysýy men rólin taldaıdy. Atap aıtqanda, IT, ÁKK, geologııa, munaıservıs, qurylys salalary qaralady. Sondaı-aq memleket qatysý úlesi 50%-dan tómen kásiporyndardyń qyzmetine taldaý júrgizý josparlanǵan. Barlyǵy 250-den astam kásiporynnyń qyzmeti zerdelenedi.
Aldaǵy eki jylda Ulttyq jekeshelendirý Keńsesiniń jumysynda memlekettik organdarmen birlesip jol kartalaryn ázirleýge basa mán beriledi. Jol kartalary áleýmettik jáne strategııalyq obektilerdi jekeshelendirýdiń barlyq aspektilerin qamtıtyn bolady.
Ulttyq jekeshelendirý ofısi 2024 jylǵy 28 mamyrda Prezıdenttiń «Ekonomıkany yryqtandyrý sharalary týraly» Jarlyǵy aıasynda quryldy. Ofıs quramyna negizgi vedomstvolardyń birinshi basshylary, mınıstrler men ákimderdiń orynbasarlary deńgeıindegi basshylar, Parlament depýtattary, kvazımemlekettik sektor sýbektileri, sarapshylar qaýymdastyǵy men «Atameken» UKP ókilderi kiredi.
