Reseı elshisi Danııanyń ıadrolyq soqqy alýy múmkin ekenin aıtty

ASTANA. 22 naýryz, Reseıdiń Danııadaǵy elshisi Mıhaıl Vanın keshe Danııanyń Reseı tarapynan beriletin ıadrolyq soqqynyń nysanasy bolýy ábden múmkin ekenin jarııalady. Bul týraly dattyń  Jyllands Posten degen balalar basylymy habarlady. Reseıdiń osy eldegi tilshisi muny joǵaryda atalǵan gazettiń arnaıy baǵany úshin jazǵan. Ol Danııanyń Reseı Federasııasy tarapynan berilýi yqtımal ıadrolyq soqqynyń naqty nysanasy bolýy múmkin ekenin keltirgen. Mıhaıl Vanın muny «eger Danııa NATO-nyń zymyranǵa qarsy qorǵanys júıesine qosylyp ketetin bolsa» degenge baılanystyra málimdegen. «Men dattar eger Danııa amerıkalyqtar basqaratyn raketaǵa qarsy qorǵanys júıege kiretin bolsa, ózderin neniń kútip turǵanyn tolyq sezinbeıdi degenge senbeımin. Al sol kezde dattyń áskerı korablderiniń Reseı ıadrolyq raketalarynyń nysanasy bolatyny anyq», - dep jazdy Vanın. Onyń aıtýynsha, Kopengagenniń mundaı saıasaty Reseı Federasııasy men Danııa arasyndaǵy qarym-qatynasqa eleýli zalal keltiretin bolady. Sebebi, munyń ózi Máskeýdiń ózine qaýip tóndiredi. «Bul, árıne, sizderdiń sheshimderińiz, men tek bul jaǵdaıda sizderdiń aqshany da, qaýipsizdikti de joǵalatyndaryńyzdy esterińizge sala ketkim keledi», - dep jazady dıplomat. Elshiniń málimdemesi dat saıasatkerleri arasynda túsinbestik pen ashý-yza týǵyzyp jatyr. Murat Aıtqoja.