Oblystyq obaǵa qarsy kúres stansııasynyń basshysy Larısa Nurmaǵambetovanyń aıtýynsha, tyshqannyń kóbeıýine byltyrǵy tasqyn sý sebep bolýy múmkin.
«Bizdiń stansııanyń mamandary aýlanǵan zııankesterde ınfeksııalyq aýrýlardyń bar-joǵyn júıeli tekserip otyr. Búginge deıingi zerthanalyq taldaýdyń bári teris nátıje kórsetti», deıdi Larısa Nurmaǵambetova.
Tyshqannyń kóbeıýine oblys ákiminiń orynbasary Qaırat Nurtaev jetekshilik jedel shtab quryldy. Komıssııanyń quramyna obaǵa qarsy kúres stansııasynyń, kásipkerlik jáne ónerkásip, aýyl sharýashylyǵy jáne jer qatynastary basqarmalarynyń, sanıtarlyq-epıdemıologııalyq baqylaý departamentiniń, Mahambet aýdandyq ákimdigi men dezınfeksııa mekemeleriniń ókilderi bar.
Qazir Mahambet aýdanynda eki mamandandyrylǵan mekemeniń mamandary tyshqanǵa qarsy ýlaý jumysyn atqaryp otyr. Oblys ákiminiń orynbasary Qaırat Nurtaevtyń tapsyrmasymen «Aqjaıyq» memlekettik tabıǵı rezervatynan traktor bólindi. Jaıyq ózeniniń jaǵalaýy 0,5-1 metr tereńdikte tazartylyp, ýlaý jumysy júrgizilip jatyr. Zııankester oshaǵy anyqtalǵan aýyldar osy ádispen tolyq óńdeledi.
Oblys ákimdiginiń baspasóz qyzmetinen málim etkendeı, kemirgishterge qarsy kúreske taǵy tórt mekememe tartylady. Onyń ekeýi Atyraý qalasynda, al ekeýi Mahambet aýdanynda ýlaýǵa kirisedi. Qala aýmaǵyndaǵy ýlaý jumysy Jaıyq ózeniniń eki jaǵalaýyndaǵy Bereke jáne Qaıyrshaqty aýyldyq okrýgteri mańynda júrgiziledi.
«Bizdiń negizgi maqsaty – zııankester shoǵyrlanǵan oshaqtardyń kózin joıý, popýlıasııasyn azaıtyp, taralýynyń tolyq aldyn alý. Qaýipti seıiltý úshin jumysty dereý bastaý kerek. Oblystyń kásipkerlik jáne ónerkásip basqarmasyna óńirdegi iri kásiporyndarda deratızasııa jumystaryn uıymdastyrýdy tapsyrdyq», deıdi Qaırat Nurtaev.
Sala mamandary tyshqanǵa qarsy ýdyń tıimdiligi 7-10 kúnde baıqalýy tıis. Deratızasııada paıdalanylatyn preparattardyń adam men úı janýarlaryna zııany joq. Preparattare sanıtarlyq normalarǵa saı qoldanylady.
