Foto: ku.edu.kz
Qujat boıynsha seısmıkalyq qaýipti aımaqtardaǵy qurylys talaptary kúsheıtilip, qala qurylysyn josparlaý kezinde seısmıkalyq mıkroaımaqtaý kartalaryn esepke alý mindetteledi.
Bul kartalar seısmıkalyq qaýip deńgeıin ǵana emes, gıdrogeologııalyq jaǵdaıdy, belgili bir ýchaskelerdegi topyraq sıpatynyń erekshelikterin eskeredi.
Kodekste seısmıkalyq qaýipti baǵalaý syndy jańa retteý tetigi bekitilgen. Sondaı-aq qurylys nysandarynyń paıdalanýǵa jaramdy ne jaramsyzdyǵyn anyqtaýǵa, konstrýksııalardyń sapasyn tekserýge, nysandy tozǵan dep tanýǵa, qaıta jańartý múmkindigine baǵyttalǵan qoldanystaǵy qurylys nysandaryn pasporttaý jónindegi normalar kózdelgen.
Al nysandardy pasporttaý jaýapkershiligi jergilikti atqarýshy organdarǵa júkteledi.
Sonymen qatar Qurylys kodeksi boıynsha qajetti ınjenerlik tekserý jumysyn júrgizbeı turyp jobalyq qujattamany daıyndaýǵa, nysandardy salýǵa tyıym salynady.
Eger qurylystyń tyǵyzdyǵy, ǵımarattardyń bıiktigi nemese áleýmettik ınfraqurylymmen qamtamasyz etý normalary buzylsa, egjeı-tegjeıli josparlaý jobasyna ózgeris engizýge bolmaıdy.
Zań qurylys nysanynyń «eski» jáne «apattyq» jaı-kúıi, «órt-tehnıkalyq tekserý» jáne «sáýlet, qala qurylysy jáne qurylys qyzmeti salasyndaǵy avtomattandyrylǵan tizilim» uǵymdaryn da naqtylaıdy.
