Qusbegiler básekesi

Máýııa Ábikeıuly – XX ǵa­syrdyń alǵashqy jartysynda qazaqtyń kásibı qusbegilik ónerin damytyp, keıingi urpaqqa mıras etken biregeı tulǵa. Bala kezinen qyran baptap, tazy júgirtken ol 30-jyldardaǵy asharshylyq kezeńde ańshylyq brıgadalar quramynda eldiń azyq-túlik qoryn tolyqtyrýǵa úles qosqan. Ekinshi dúnıejúzilik soǵys jyldary jylqy zaýytynda eńbek etip, maıdanǵa at daıyndaǵan. 1957 jyly Máýııa Ábi­keıulyna «KSRO ańshylyq kásiptiń úzdigi» ataǵy beri­lip, esimi el jadynda qaldy. Qusbegi qarııa shaǵynda áıgili rejısser Sháken Aımanov­tyń «Naızatastyń eteginde» fılmine túsken.

Týrnırdiń ashylý saltanatynda Baıan­aýyl aýdany ákiminiń orynbasary Erkin Arystanbekov, Pavlodar ob­lystyq dene shynyqtyrý jáne sport basqarmasy basshysynyń orynbasary Qaırat Ahmet­janov, sondaı-aq res­pýblı­kalyq «Qusbegilik» fede­ra­sııasynyń vıse-prezıdenti Baǵdat Múptekeqyzy men Týrızm jáne sport mınıstrligi sport komıtetiniń memle­kettik jattyq­tyrý­shysy Bazarbek Kún­týǵan sóz alyp, ulttyq ónerdiń ur­paq ja­dynda saqta­lýynyń mańyzyn atap ótti.

Búrkit, qarshyǵa, ıtel­gi, tazy jarysynda qatysýshylar sheberlikteri synaldy. Búrkit salýdan birinshi oryndy Jambyl oblysynyń qatysýshysy Berik­bolsyn Babajan ıelense, atalǵan óńirdiń taǵy bir qatysýshysy Serikbolsyn Jalǵasuly qar­shyǵa salýdan top jardy. Al ıtelgini qusqa salýdan Aqmola oblysynan at terletip kelgen qusbegi Erlan Kenjetaev al­ǵashqy oryndy oljalady. Sondaı-aq arlan tazylar jarysynda birinshi oryn Maıqaıyń kentiniń qusbegisi Baýyrjan Tileýbergenovtiń Tuıǵynyna, qanshyq tazylar jarysynda Qarabaı aýylynan qatysqan Sekenaı Shal­qarbaevtyń «Kók­sıine» buıyrdy.

Pavlodar oblysy,

Baıanaýyl aýdany