Bul bastama óńirdiń 8 aýdany men 2 qalasyn qamtyp, mektepter men kolledjderde keń kólemdi aqparattyq-túsindirý dáristeri ótkizildi. Oqytýǵa respýblıka boıynsha tanylǵan jetekshi mamandar shaqyrylyp, sabaqtar ınteraktıvti, tájirıbege negizdelgen, tyń formatta júrgizildi.
Kóshbasshylyq baǵyty boıynsha Gúlnar Toılybaeva dáris ótkizip, maqsat qoıý, sheshim qabyldaý, ýaqytty tıimdi basqarý, emosııalyq turaqtylyq, komandamen jumys isteý sııaqty ómirlik mańyzdy daǵdylardy úıretti. Qatysýshylar róldik oıyndar, keıster, toptyq tapsyrmalar arqyly ózderiniń kóshbasshylyq qabiletterin damytyp, jańa múmkindikterdi ashty.
Qarjylyq saýattylyq boıynsha Ásel Jarasqalıqyzy jeke bıýdjetti basqarý, jınaq pen ınvestısııanyń negizderi, sıfrlyq qarjy quraldary, alaıaqtyqtan qorǵaný joldary týraly jan-jaqty túsindirdi. Praktıkalyq tapsyrmalar qatysýshylarǵa óz qarjysyna senimdilikpen qaraýdy, josparlaý daǵdysyn qalyptastyrýdy jáne qarjylyq táýelsizdikke qadam jasaýdy úıretti.
Quqyqtyq saýattylyq baǵyty boıynsha Erjan Janatuly Daýletbaev azamattyq quqyq, qujattarmen jumys, otbasylyq quqyq, tutynýshylardyń quqyqtaryn qorǵaý, kıberqaýipsizdik sekildi ózekti máselelerdi qarapaıym ári túsinikti tilmen jetkizdi. Naqty ómirlik jaǵdaılar negizinde ótkizilgen praktıkalyq jattyǵýlar qatysýshylardyń quqyqtyq mádenıetin kóterip, óz quqyǵyn qorǵaýǵa degen senimin arttyrdy.
Kýrs Eskeldi aýdanyndaǵy «Taý Jetisý» demalys aımaǵynda uıymdastyrylyp, qatysýshylarǵa jaıly jaǵdaı jasaldy, ádistemelik materıaldar, paıdaly nusqaýlyqtar men resýrstar usynyldy. Joba barysy óńirlik jáne respýblıkalyq medıa keńistikte keńinen jarııalanyp, qoǵamda joǵary qyzyǵýshylyq týdyrdy.
Bul joba – óńir áıelderiniń bilimin tereńdetýge, olardyń óz-ózine degen senimin kúsheıtýge, kóshbasshylyq áleýetin ashýǵa jáne qoǵamdyq belsendiligin arttyrýǵa úlken serpin bergen mańyzdy qadam. Jobanyń nátıjesinde kóptegen qatysýshy jańa múmkindikterge jol ashyp, óz ómirine ózgeris engizý úshin naqty, senimdi qadamdar jasaı bastady.
