Sýret: zakon.kz
Oblystyq bilim basqarmasynyń basshysy Marat Ábýovtiń aıtýynsha, Mahambet aýdanynyń Beıbarys aýyldyq okrýginde tyshqan kúrt kóbeıgen. Osyǵan baılanysty epıdemııalyq ahýaldyń nasharlaýyna jol bermeý, balalardyń densaýlyǵyn qorǵaý úshin aldyn alý sharasy qabyldanyp otyr.
«Beıbarys aýyldyq okrýginde 2 mektep pen 2 balabaqsha bar. Oqýshylar dáris alatyn mekteptiń biri – A.Baıtursynuly atyndaǵy bilim ordasy, ekinshisi – Taldykól orta mektebi. Epıdemııalyq qaýiptiń aldyn alý úshin 19 qarashada atalǵan mektepter sabaq ýaqytsha qashyqtan oqytý formatyna aýystyryldy. Dezınfeksııalyq jumysty tolyq ári sapaly júrgizýge «Baldyrǵan» jáne «Balaqaı» balabaqshasynyń qyzmeti ýaqytsha toqtatyldy», deıdi Marat Ábýov.
Onyń deregine qaraǵanda, Beıbarys aýylynda ornalasqan A.Baıtursynuly atyndaǵy orta mektepte 573 oqýshy dáris alady. Al Taldykól orta mektebinde 261 oqýshy oqıdy.
«Qazir bilim ordalarynda oqýshylarǵa ystyq tamaq beriledi. Biz oqýshylar ishetin tamaqtyń sapaly bolǵanyn, sanıtarlyq talaptyń saqtalǵanyn qalaımyz. Sondyqtan arnaıy mamandandyrylǵan qyzmettiń mamandary Beıbarys aýyldyq okrýgindegi mektepter men balabaqshalarda dezınfeksııalaý, sanıtarlyq baqylaý jumysyn júrgizýdi qolǵa aldy. Mektepter men balabaqshalarda qaýip tolyq joıylǵannan keıin oqý-tárbıe úderisin qalypty rejımge aýystyrý kózdelip otyr. Bul shamamen bir aptaǵa sozylýy múmkin», deıdi M.Ábýov.
Alaıda atalǵan okrýgte tyshqannyń kóbeıýine ne sebep bolǵany ázirge belgisiz. Mamandar munyń sebebin áli naqtylaǵan joq. Mahambet aýdanynyń ákimi Qaırat Nurlybaevtyń aıtýynsha, qazir Beıbarys aýyldyq okrýgindegi Taldykól jáne Beıbarys aýylynda arnaıy mekemeniń qyzmetkerleri jeke turǵyn úılerdiń aýmaǵyn ýlaýdy bastady. Shamamen 100 úıdiń aýlasyn ýlaý kózdelgen. Onyń aýmaǵy – 150 myń sharshy metr.
«Qoldanylatyn tórtinshi deńgeıli ýdyń adamdar men úı janýarlaryna zııany joq. Zııankestermen kúres mekemesimen kelisip, 1000-nan astam úıge dári tarattyq. Qosymsha ýlaǵysh dánder alynyp jatyr. Deratızasııa jumysyna arnaıy kompanııamen kelisim shart jasaqtalyp, Taldykól aýylyndaǵy 47 úıde ýlaý jumystary júrgizildi. Deratızasııalaý turǵyndardyń kelisimine qaraı kezeń-kezeńimen jalǵasady», deıdi Qaırat Nurlybaev.
Ákimniń deregine qaraǵanda, byltyrǵy sý tasqynynan keıin Taldykól aýylynyń mańynda shóp bıik ósken. Tyshqandar shóp arasynan in qazyp, kóbeıgen bolýy múmkin. Atalǵan aýyl mańyndaǵy shópti shabýǵa arnaıy tehnıka bólingen.
Atyraý oblysy
