«Samuryq-Qazyna» qorynyń 2026 jylǵa arnalǵan resmı jospary boıynsha klýbqa múlde qarjy bólinbeıtini belgili boldy.
Klýb oıynshylary bıyl bar bolǵany bir ret qana jalaqy alǵan. Bapkerlik shtab ta osy kúıdi bastan keshirip otyr. A5 keńsedegi qyzmetkerlerdiń keıbiri úsh aıdan beri eńbekaqysyn almaǵany belgili boldy. Qazir elordalyq komanda jedel túrde ınvestor izdeý ústinde.
«Astana» fýtbol klýby – jaı ǵana klýb emes, Qazaqstan fýtbolynyń aıryqsha brendi. Bul brendtiń joǵalýy búkil Premer-lıga úshin aýyr soqqy bolmaq. Taıaý arada ınvestor tabylmasa, klýb jabylýy múmkin.
Demeýshilik jasap júrgen kishigirim aksıonerlik qoǵamdar «Samuryq» bólgendeı qarajat bere almaıdy. Marın Tomasov sekildi 30 mln teńge aılyq alatyn legıonerleri bar, ár jyl saıyn eýrokýbokte óner kórsetetin komanda shyǵyndaryn ótep otyrý kez kelgen kompanııanyń qolynan kelmeıdi. Sońǵy alty jylda «Samuryq-Qazyna» klýbty qarjylandyrýǵa 50 mlrd teńge jumsapty. Alaıda sol ýaqyttarda aqshadan tarshylyq kórmegen ujymnyń fýtboldaǵy nátıjesi jaqsy deýge kelmeıdi.
Bıyl elordalyq ujym el chempıonatynda 2-oryn aldy. Eýrokýbok dodasynda sátti óner kórsete almady.
