Buǵan deıin naýqastardy qaladaǵy túrli emhanaǵa aparýǵa týra keletin bolsa, endi qajet dıagnostıkalyq, alǵashqy kómek jáne dıspanserlik baqylaý osy mekemeniń ishinde júrgiziledi. Ambýlatorııa zamanaýı quraldarmen jabdyqtalǵan, terapevt, psıhıatr, ýrolog, travmatolog, gınekolog sekildi 11 maman jumys isteıdi. Stomatologııa kabıneti men skrınıng júrgizýge de jaǵdaı qarastyrylǵan.
№1 qalalyq emhana dırektory Láılá Tóleýhanova ızolıatorda 400-den astam adam baryn, olardyń turaqty tekserýden ótip, dıspanserlik eseptegi 17 adam tegin dárimen qamtylǵanyn atap ótti.
Sonymen birge, mekeme onlaın-konsılıým ótkizýge múmkindik beretin júıemen jabdyqtalǵan. Prokýratýra ókilderi bul nysannyń ashylýyn azamattardyń quqyqtaryn qorǵaýdaǵy mańyzdy áleýmettik qadam dep baǵalap otyr.
