Atambaev: Prezıdentimiz Nazarbaev bolǵanda, bári basqasha shyǵar edi

ASTANA. 22 naýryz. «Men Aqaev pen Bakıevtiń oryndarynda prezıdentimiz Nazarbaev bolǵanda, jaǵdaıymyz múlde basqasha qalyptasar edi-aý, degen oıǵa jıi berilemin» dedi Qyrǵyzstan prezıdenti Almazbek Atambaev 20 naýryz kúni Bishkekte mekteptiń ashylý saltanatynda sóılegen sózinde. Bul týraly О́zbekstannyń CA-NEWS portaly habarlady. «Men birinshi kezekte Qazaqstan prezıdentine alǵys sezimimdi jetkizgim keledi. Onymen árbir kezdesken saıyn aqsaqaldyń tek Qazaqstan halqy úshin ǵana emes, sonymen qatar, Qyrǵyzstan men bizdiń jurtymyzǵa da aıryqsha jany ashıtynyna kóz jetkize túsemin. Mundaı lıderler tym az. Jaqynda Qazaqstanda saılaý ótedi, al Nazarbaev sekildi basshyny tabý óte qıyn. Mundaı basshysynyń bolǵanyn tek Qazaqstan ǵana emes, basqa kez kelgen halyq ta qalaǵan bolar edi», - dep oıyn tarqatyp aıtty Qyrǵyzstan prezıdenti bilim mekeniniń ashylýy rásiminde sóılegen sózinde. «Men eger sol kezderi Aqaev pen Bakıevtiń oryndarynda bizdiń prezıdentimiz Nazarbaev bolǵanda, jaǵdaıymyzdyń múldem basqasha qalyptasatyny týraly talaı márte oılandym, bul oıymdy ol kisiniń ózine de aıttym. Men qazaq halqy meniń osy sózderimdi eskere otyryp, oǵan taǵy da qoldaý bildiredi ǵoı dep oılaımyn. Men udaıy onymen keńesip, keńes alyp turamyn. Qudaı oǵan qýat bersin, sonda Qazaqstan halqyna túgel jaqsy jol ashylady», - dep atap ótti ol jıynda. Murat Aıtqoja. Derek, sýret: CA-NEWS.