Bul toıhana bastapqyda 1 qabatty shaıhana retinde paıdalanýǵa qabyldanǵan eken. Alaıda menshik ıesi ǵımarat qurylysyn qaıtadan ózgertip, ústine qosymsha taǵy bir qabat salǵan. Sóıtip qujat júzinde joq 2 qabatty «Shinar» toıhanasy paıda bolyp, búgingi sheıin zańsyz qurylys retinde paıdalanylyp kelgen.
Joǵaryda aıtyp ótkenimizdeı tekserý nátıjesinde Qazaqstannyń sáýlet, qala qurylysy jáne qurylys qyzmeti týraly zań talaptary saqtalmaı jańǵyrtý júrgizilgeni belgili bolǵan. Osyǵan baılanysty qalalyq ákimdiktiń qurylysqa jaýapty basqarmasy tarapynan toıhana jumysy toqtatyldy.
Osy oraıda mamandar qala mádenıeti men qaýipsizdigi – barshaǵa ortaq talap ekenin, sondyqtan kez kelgen qurylys nemese qaıta qurý jumystary tek zań sheńberinde júzege asý qajettigin eskertedi.
Sondaı-aq qadaǵalaýshy organ ókilderiniń aıtýynsha ruqsatsyz salynǵan nysan ıesi aıyppul tólep qana qoımaı, sonymen birge, zańsyz ǵımarat májbúrlep buzylýy da múmkin.
