Foto: home.kz
Kásipkerdiń jobasy – úı janýarlaryna arnalǵan sanıtarlyq toltyrǵysh retinde jáne qurylys, aýyl sharýashylyǵy, ekologııa salalarynda (mysaly, janar-jaǵarmaı tógilgen apattardy joıý kezinde) qoldanylatyn granýla/absorbent óndiretin kásiporyn salý. Klıent óndiristi zamanaýı tehnologııalarmen damytý úshin jańa ónim – sıfrlyq teńgedegi nesıeni sanaly túrde tańdaǵan.
«Bul jobany tek bıznes úshin bastaǵan joqpyz. Biz óz jerimizde jasalǵan sapaly absorbentti – maqtanyshpen usynatyn ónim jasaǵymyz keledi. Bul jaı ǵana janýarlarǵa arnalǵan toltyrǵysh emes, sharýashylyqta, qurylysta, ekologııada keń qoldanylatyn ámbebap materıal. «О́rleý» baǵdarlamasy arqyly berilgen memlekettik qoldaý bizdiń starttyq kapıtalymyz boldy, al sıfrlyq teńgeni biz jańa, tehnologııalyq jáne uzaqmerzimdi damýǵa baǵyttalǵan kezeńniń sımvoly retinde qoldandyq», dedi kásipker Vıtalıı Kremberg.
Sıfrlyq teńgedegi nesıeniń artyqshylyqtary
- qashyqtan rásimdeý;
- ótinimdi jyldam qaraý jáne qarjyny tez berý;
- memlekettik baǵdarlamalar sharttarynyń tolyq ashyq oryndalýy;
- salyqtyq tekserýlerdiń bolmaýy, bul ákimshilik jáne qarjylyq shyǵyndardy azaıtady;
- QQS qaıtarý merzimi 55-75 kúnnen 15 jumys kúnine deıin qysqarady.
«Damý» qorynyń pikiri
«Sıfrlyq teńgeniń negizgi artyqshylyqtarynyń biri – sıfrlyq qarajatty tańbalaý múmkindigi. Bul bólingen qarjynyń maqsatty paıdalanylýyn baqylaýdy áldeqaıda jeńildetedi. Kásipkerler úshin sıfrlyq teńgedegi nesıe rásimi jyldamyraq ári ashyq bolady», dedi «Damý» qorynyń basqarma tóraǵasynyń orynbasary Arsen Mýstafın.
Jobanyń parametrleri
Somasy – 250 mln teńge.
Merzimi –7 jyl.
Syıaqy mólsherlemesi –12,6%.
Jer telimin satyp alý, óndiristik nysan salý jáne jabdyq alý josparlanǵan.
Alǵashqy jyly 10 jumys orny ashylady.
О́ndiris qýaty – jylyna 1200-1400 tonna.
Halyk Bank pikiri
«Halyk-tyń bul pılottyq jobaǵa qatysýy banktiń ınnovasııaǵa ashyq ekenin kórsetedi. «Damý» qorymen seriktestik bıznestiń jańa múmkindikterge qol jetkizýine jol ashady», dedi Halyk Bank basqarma tóraǵasynyń orynbasary Olga Výros.
Ulttyq banktiń pikiri
«Sıfrlyq teńge – memlekettik qarjylardyń jańa arhıtektýrasy. Programmalanatyn aqshalar kásipkerge yńǵaıly, al memleketke – tolyq ashyqtyq beredi. Prezıdent tapsyrmasy boıynsha sıfrlyq teńge barlyq memlekettik shyǵystar men sýbsıdııalarǵa kezeń-kezeńimen engiziledi», dedi Ulttyq bank tóraǵasynyń keńesshisi Bınýr Jalelov:
Baǵdarlamaǵa qalaı qatysýǵa bolady?
Kásipkerler ekinshi deńgeıli bankterge júginedi. Qazir baǵdarlama boıynsha kelisim jasalǵan bankter:
Halyk Bank, Bank CenterCredit, ForteBank, Bereke Bank, Eýrazııalyq bank, Freedom Bank, Nurbank, RBK Bank, KZI Bank.
Baǵdarlama qatysýshylary «Damý» qorynyń kepildigin de paıdalana alady.
Qosymsha aqparat – 1408 call-ortalyǵynda nemese www.damu.kz saıtynda tur.
