Abaıdyń 180 jyldyǵyna oraı ótken uıymdastyrylǵan forýmnyń negizgi maqsaty – hákim Abaıdyń rýhanı murasyn zamanaýı sıfrlyq dáýir suranystarymen sabaqtastyra otyryp, jańa ǵylymı deńgeıde zerdeleý. Jıynda Qazaqstan Jazýshylar odaǵy basqarmasynyń tóraǵasy, kórnekti qalamger Mereke Qulkenov sóz sóılep, Abaı murasyn jańa tehnologııalyq ortada qaıta paıymdaýdyń mańyzyna toqtaldy.
«Abaıdy taný – ultty taný. Abaıdy uǵyný – memleket damýynyń rýhanı baǵdaryn anyqtaý. Qazir álem jasandy ıntellekttiń yqpalyndaǵy jańa órkenıetke aıaq basty. Osyndaı kezeńde Abaı sózin sıfrlyq tanymmen baılanystyra zertteý – ýaqyt talaby. Eger biz hákim oılaryn jańa tehnologııa tiline túsire almasaq, Abaı sózi bolashaq urpaq sanasynan birtindep alystaýy múmkin. Sondyqtan Abaıdy sıfrlyq keńistikke engizý – rýhanı qaýipsizdigimizdiń de kepili, – dedi Qazaqstan Jazýshylar odaǵy basqarmasynyń tóraǵasy.
Forým aıasynda ǵalymdar Abaı shyǵarmalaryn sıfrlyq taldaý, vırtýaldy pedagogıkalyq platformalarǵa engizý, neırojelilik modelderde paıdalaný jónindegi óz usynystaryn ortaǵa saldy.
