Shynynda, mundaı bedeldi halyqaralyq komıtetke ekiniń biri qabyldanbaıdy. Bul sheshim Aıdanyń kásibı daıarlyǵy men ǵylymı áleýetiniń joǵary ekenin kórsetedi. Bir jaǵynan, jas zertteýshiniń lıngvıstıka salasyndaǵy júıeli eńbeginiń jemisi dep bilemiz.
Byltyr ol halyqaralyq olımpıadaǵa táýelsiz avtor retinde tapsyrma usynyp, kásibı qaýymdastyqty birden óziniń ǵylymı jumysynyń naqtylyǵymen ári tereńdigimen tánti etti. Onyń jumysy jeke týrdyń resmı jınaǵyna enip, qatysýshylardyń tańdaýymen «Solvers’ Choice Award» marapatyna ıe boldy.
Aıdanyń otandyq olımpıadalyq qyzmeti de nazar aýdartady. 2023 jyldan beri ol respýblıkalyq lıngvıstıka olımpıadasynyń tapsyrmalaryn ázirlep, qazylar alqasynyń jumysyna jáne ulttyq qurama rezervin daıyndaýǵa turaqty túrde qatysyp keledi. Onyń ázirlemeleri bizden tys elderde de suranysqa ıe bolyp, Úndistandaǵy jınaqtarǵa jáne IOL irikteý týrlaryna engen. Sondaı-aq jas maman «QazGO» geografııa olımpıadasy men Nemis lıngvıstıka olımpıadasynyń (DOL) komıtet múshesi.
Oqýshy kezinen bilimdarlyǵymen kózge túsken talapty jas el atynan «IOL», «iGeO» jáne «EGeO» halyqaralyq olımpıadalarynda baq synap, júldeli oryndardy ıelendi. Búginde ol jattyqtyrýshy retinde de nátıjeli eńbek etip júr. Onyń shákirtteri Azııa-Tynyq muhıty lıngvıstıkalyq olımpıadasynda joǵary jetistikke qol jetkizip, bıylǵy halyqaralyq dodada qurmet gramotasymen marapattaldy.
Qazir NIS túlegi Germanııanyń Tıýbıngen ýnıversıtetinde kompıýterlik lıngvıstıka baǵytynda bilim alyp jatyr. Aıdanyń halyqaralyq tapsyrmalar komıssııasyndaǵy jańa róli – kásibı ósýdiń kelesi kezeńi. Bul múmkindik oǵan jahandyq lıngvıstıkalyq qaýymdastyqtyń damýyna úles qosyp, elimizdi sarapshylyq deńgeıde tanystyrýǵa jol ashady.
