Foto: IIM
El namysyn qorǵaǵan Zamanbek Danabekov (65 keli) qola júldemen oraldy. Ol Aljır, Fransııa, Tájikstan elderiniń sportshylaryn utty.
Zamanbek Qazymbekuly bala kezinen sportty serik etken. Onyń ámbebep jekpe-jekke alǵashqy qatysýy eken. 1 aıǵa jýyq daıyndalypty. Endigi maqsaty – álem chempıony ataný.
Z.Danabekov – Aqtóbe oblysy polısııa departamentiniń jedel qımyldaıtyn arnaıy jasaǵynyń jaýyngeri. Ol bokstan, qoıan-qoltyq urystan respýblıkalyq, álemdik týrnırlerdiń birneshe dúrkin júldegeri, bokstan sport sheberi.
«Sporttyq jolym 9 jasymda bastaldy. Arnaıy jasaqta sportqa joǵary den qoıylatyndyqtan, 2022 jyly osy salaǵa bet burdym. Arnaıy jasaq qatarynda elimniń tynyshtyǵyn kúzetip qana qoımaı, munda birneshe dúrkin álem chempıondarymen, naǵyz kásibı sportshylarmen birge qyzmet etý men jattyǵý – men úshin úlken mártebe ǵana emes, naǵyz kásibı mektep», deıdi sportshy-polıseı.
