Foto: freepik.com
Qazaqstan sıfrlanýdan 30 eldiń qatarynda tur
Alem.Cloud platformasy – Qazaqstan men Ortalyq Azııadaǵy eń ozyq esepteý kesheni. Al 103-shi orynǵa turaqtap, úzdik nátıje kórsetken ekinshi otandyq júıe – AI-Farabium.
Jalpy álemdik tizimde AQSh, Germanııa, Japonııa elderi kósh bastap tur.
- El Capitan (AQSh).
- Frontier (AQSh).
- Aurora (AQSh).
- JUPITER Booster (Germanııa).
- Eagle (AQSh).
- Supercomputer Fugaku (Japonııa).
«IT saladaǵy eleýli jetistikterdiń nátıjesinde búginde Qazaqstan sıfrlaný deńgeıi joǵary jetekshi 30 eldiń qatarynda. Bul eldegi sıfrlyq ınfraqurylymnyń jahandyq deńgeıdegi ornyn kórsetedi», deıdi mamandar.
Keleshek trendi – JI tehnologııalary
Sarapshy Abylaıhan Tastanbekovtiń aıtýynsha, elimizdiń TOP-100 sýperkompıýter qataryna enýi jaqsy kórsetkish. Biraq bunymen toqtaýǵa bolmaıdy. Sebebi jasandy ıntellekt tehnologııalary keleshek trendi.
Tuǵyrnama resýrstary búginde zańdy tulǵalarǵa qoljetimdi. Atap aıtqanda, memlekettik organdar, ǵylymı jáne bilim berý uıymdary, startaptar, jeke kompanııalar men Astana Hub rezıdentteri derekterdi paıdalana alady.
Qurylǵynyń qýaty orasan
Adam bir kitapty shamamen 7 kúnde oqyp taýysady. Al sýperkompıýter bir aptada 500 myń kitapty taldap, árqaısysynyń mazmunyn aıtyp bere alady. Bul qurylǵynyń zertteý júrgizýde tıimdi ári jyldam ekenin kórsetetin eń qarapaıym mysal.
24.kz-tiń habarlaýynsha, sýperkompıýterdiń memlekettik qyzmetkerlerge, kompanııalar men korporasııalarǵa paıdasy orasan. Tipti kez kelgen vıdeony, kóshedegi jol-kólik oqıǵasyn júkteseńiz, birer sekýndta hattama ázirlep, ári qaraı ne isteý keregin kórsetedi.
«Bul ǵylym, óndiris, bilim men memlekettik basqarýda serpilis jasaıtyn qural», deıdi sarapshylar.
