Foto: Aýyl sharýashylyǵy mınıstrligi
Jobaǵa tartylǵan jalpy ınvestısııa kólemi 9,5 mlrd teńge.
Joba otandyq «Qazaq Global Food JV» kompanııasymen júzege asyrylyp, joǵary qosylǵan quny bar óndiristerdi damytýǵa, sondaı-aq AО́K-tiń eksporttyq áleýetin arttyrýǵa baǵyttalǵan.
Aýyl sharýashylyǵy vedomstvosynyń málimetinshe, qazirgi ýaqytta osy salada aldyńǵy qatarly iri Göknur Gıda túrik kompanııasymen Off-take kelisimine qol qoıylǵan. Kelisimge sáıkes, atalǵan kompanııa bolashaq kásiporyn óndirgen ónimderdiń, sonyń ishinde alma shyryny konsentraty men basqa da óńdelgen taýarlardyń eksportyn júzege asyratyn strategııalyq operator bolmaq.
Atalǵan seriktestik uzaq merzimdi ótkizý kepildikterin qamtamasyz etedi jáne otandyq óndirýshilerdiń sheteldik naryqtarǵa qoljetimdiligin keńeıtedi.
