Tehnologııa • 05 Jeltoqsan, 2025

Qytaı tolyqtaı elektrli rýli bar kólikterdi naryqqa shyǵarmaq

90 ret

kórsetildi

1 mın

oqý úshin

Ról men dóńgelek arasynda tikeleı mehanıkalyq baılanysy joq avtomobılder burynnan bar. Alaıda Qytaı bıligi qaýipsizdik maqsatynda mundaı kólikterge qosymsha mehanıkalyq ról mehanızmin ornatýdy uzaq ýaqyt boıy mindettep keldi. Mysaly, bul júıe Infiniti Q50 modelinde qoldanylǵan, dep habarlaıdy Egemen.kz.

Aıana TOǴANBEK

Qytaı tolyqtaı elektrli rýli bar kólikterdi naryqqa shyǵarmaq

Foto: It-home

It-home habarlaýynsha, tehnıkalyq úrdis pen avtoóndirýshilerdiń kólik qurylymynan eskirgen bólshekterdi alyp tastaýǵa umtylýynyń nátıjesinde jańa qaýipsizdik standarty qabyldandy. 2026 jyldyń 1 shildesinen bastap kúshine enetin bul qujat mehanıkalyq ról mehanızmin mindetteý talabyn alyp tastaıdy. Osylaısha avtomobılderde tolyq elektrli ról tehnologııasyn keńinen qoldanýǵa resmı túrde múmkindik beriledi.

Jańa erejede elektrondyq jáne elektrli basqarý júıeleri – SBW (Steer-by-Wire) jáne EPS (Electric Power Steering) – úshin qaýipsizdik pen fýnksıonaldy talaptardyń tolyq paketi usynylǵan. Standartty ázirleýge Qytaıdyń jetekshi kompanııalary Nio, BAIC, Xpeng, BYD, Geely, Xiaomi, Huawei, sondaı-aq Toyota jáne Mercedes-Benz China ınjenerlik ortalyqtarynyń mamandary qatysqan.

Qytaı naryǵynda premıým segmenttegi keıbir modelder burynnan tolyq elektrli rólmen jabdyqtalǵan. Endi mundaı tehnologııa barlyq baǵalyq segmenttegi avtomobılderge engiziledi. Bul ózgeris tehnıkalyq qyzmet kórsetý salasyna da áser etedi.