Pavlodar alıýmınıı zaýytynyń (PAZ) dırektory Aıtýǵan Ahmetovtiń aıtýynsha kásiporynda qaýipsizdikke aıryqsha mán beriledi.
«Respýblıkalyq baıqaýdaǵy bul marapat – zaýyt qyzmetkerleriniń ortaq jeńisi. Barlyq talaptarǵa saı bolý úshin birlesip, aýqymdy jumys júrgizdik. Onyń basty nátıjesi – óndiristegi jaraqattaný deńgeıiniń aıtarlyqtaı tómendeýi», dep atap ótti A.Ahmetov.
Jaǵdaıdy jaqsartýda Pavlodar alıýmınıı zaýytynda qurylǵan Qaýipsiz eńbek daǵdylary tájirıbelik ortalyǵy mańyzdy ról atqardy. Munda qyzmetkerlerge taıǵaq jerde júrýdi úıretetin trenajer, órt qaýipsizdigine qatysty jattyǵý qurylǵylary, kabınaǵa kóterilý men túsý boıynsha sımýlıatorlar arqyly oqytý júrgiziledi.
«Al keshendi polıgondarda bıiktikte jáne tuıyq keńistikte jumys isteý mashyqtary úıretiledi. Bul polıgonnyń el kóleminde balamasy joq, bizdiń jeke ázirlememiz. Ári ol ónertabys retinde patenttelgen», dedi «Qazaqstan alıýmınııi» AQ Pavlodar alıýmınıı zaýytynyń eńbekti qorǵaý jáne ónerkásip qaýipsizdigi jónindegi basshysy Alekseı Chabanov.
PAZ-da qyzmetkerlerdi jeke qorǵanys quraldarymen jáne arnaıy kıimmen qamtamasyz etý normalary zańnamalyq talaptardan áldeqaıda joǵary. Bul da jumysshylar úshin jaıly ári qaýipsiz eńbek jaǵdaıyn qamtamasyz etedi. Tamaq pen sút berilip, odan bólek, qyzmetkerler sport zal, basseın, shıpajaı men demalys oryndarynyń qyzmetterin tegin nemese jeńildikpen paıdalana alady. Al kásiptik aýrýlar boıynsha jaǵdaılar zaýytta sońǵy 7 jyldan beri tirkelgen joq.
ERG quramyndaǵy «Qazhrom» TUK» AQ fılıaly – Dóń taý-ken baıytý kombınaty «Kadr daıarlaýǵa qatysýshy úzdik kásiporyn» atalymynda Gran-prı ıegeri atandy. Al eldegi úzdik oqý orny retinde kombınattyń uzaq jyldan bergi seriktesi – Hromtaý taý-ken tehnıkalyq joǵary kolledji tanyldy.
Dóń taý-ken baıytý kombınaty men Hromtaý taý-ken tehnıkalyq joǵary kolledji arasyndaǵy yntymaqtastyq birneshe onjyldyqtan beri jemisti jalǵasyp keledi. Kolledj jyl saıyn óndiriste suranysqa ıe mamandyqtar boıynsha jas kadrlardy daıarlaıdy. Búginde túlekterdiń shamamen 90 paıyzy qala quraýshy kásiporynǵa jumysqa turǵan. Kolledj stýdentteri kombınattyń sehtarynda aqyly óndiristik tájirıbeden ótedi. Bul – jas mamandarǵa úlken serpin beredi, óıtkeni olar eńbek naryǵyna naqty óndiristik tájirıbemen shyǵady.
«Bul marapattar Jumysshy mamandyqtar jyly jáne «Qazhrom» kompanııasynyń 30 jyldyq mereıtoıynyń laıyqty qorytyndysy. Kolledjdiń myqty bilim berý bazasynyń arqasynda stýdentter halyqaralyq kásibı sheberlik baıqaýlarynda joǵary kórsetkishterge qol jetkizip júr. Al túlekter qysqa ýaqyt ishinde óz isiniń bilikti mamanyna aınalyp, kópshiligi búginde kásipornymyzda jaýapty qyzmetter atqarýda», deıdi Dóń taý-ken baıytý kombınatynyń dırektory Baýyrjan Ýtemısov.
Kadr daıarlaýdyń sapasyna kolledjdiń materıaldyq-tehnıkalyq bazasynyń nyǵaıýy da tikeleı áser etti. ERG-diń júıeli qoldaýynyń arqasynda kolledj jańa kompıýterlermen, baǵdarlamalyq qamdaý, óndiristik oqytýǵa arnalǵan jabdyqtarmen tolyqtyryldy. Sheberhanalarǵa dánekerleý ústelderi ornatylyp, sport zaly jóndeýden ótti. Stýdentterdiń óndiristik daǵdylaryn jetildirýge arnalǵan oqý-shahtalyq polıgon salyndy. Sonymen qatar túrli taý-ken jabdyqtarynyń jumysyn beıneleıtin zamanaýı jattyǵý-sımýlıatorlary paıdalanylýda.
2025 jyly kolledjde taý-ken salasyna mamandar daıarlaý tásilin túbegeıli jańartqan zamanaýı quzyrettilik ortalyǵy ashyldy.
Ortalyq eki negizgi bloktan turady: VR-zerthana jáne taý-ken mashınalary men keshenderi zerthanasy. Zamanaýı tehnologııalar stýdentterdiń kásibı daǵdylaryn vırtýaldy ortada, naqty óndiristik jaǵdaılarǵa barynsha jaqyn formatta jetildirýge múmkindik beredi. Keń aýqymdy oqý baǵdarlamalary bar VR-jabdyqtar stýdentterge aýdıtorııadan shyqpaı-aq túrli óndiristik prosesterdi jaqynnan tanyp-bilýge jol ashady. Munda stýdentter segiz mamandyq boıynsha bilim alady. Olardyń qatarynda ken oryndaryn jerasty ádisimen ıgerý, jer asty qurylymdarynyń qurylysy jáne energetıka baǵyty boıynsha mamandyqtar bar. Ortalyqty qurýǵa «Qazhrom» kompanııasy 115 mıllıon teńge bólgen.
Al 2025 jyly kolledjdi damytýǵa salynǵan ınvestısııa kólemi 200 mıllıon teńgeden asty.
