Basqosýǵa Oqý-aǵartý mınıstri Juldyz Súleımenova, Bas prokýrordyń birinshi orynbasary Jandos О́mirálıev, Bala quqyqtary jónindegi ýákil Dınara Zákıeva qatysty.
Jıynda Astana jáne Almaty qalalary, Aqtóbe, Jambyl, Qaraǵandy, Qostanaı, Qyzylorda oblystary ákimderiniń orynbasarlary baıandama jasap, balalar qaýipsizdigin qorǵaý salasyndaǵy ózekti máselelerge toqtaldy.
Erlan Qarın balalar quqyǵy men qaýipsizdigin qorǵaý ishki saıasat salasynyń basym baǵyty ári Memleket basshysynyń jiti nazaryndaǵy másele ekenin eske saldy.
Memlekettik keńesshi elimizde balalardyń quqyǵyn qorǵaý salasynda zańnamalyq jáne ınstıtýsıonaldyq negizder qalyptasqanyn atap ótti. Sonymen qatar «Qazaqstan balalary» baǵdarlamasynyń jobasy aıasynda 100-den asa is-sharadan turatyn keshendi sharalar qarastyrylyp otyrǵanyn jetkizdi. Munyń barlyǵy balalar qaýipsizdigin qamtamasyz etý tásilin jetildirýge baǵyttalǵan.
Erlan Qarın Oqý-aǵartý mınıstrligine atalǵan baǵyttaǵy jumysty utymdy úılestirip, birlesken is-qımyl sharalary men tásilderin ázirleýdi tapsyrdy.
О́ńirler basshylyǵynyń qatysýymen mundaı jıyndar turaqty túrde uıymdastyrylady.
