Osy bilim dodasynda Ulytaý oblysy, Jańaarqa aýdanynyń toǵyz oqýshysy jaratylystaný-matematıkalyq baǵytta júldeli oryndardy ıelendi.
10-synyp oqýshysy Kórkem Keıkova matematıka páninen úzdik bilim kórsetip, I oryn - altyn medalǵa ıe boldy. Jetekshisi Gúlsim Rahymjanova.
Hımııa páninen 10-synyp oqýshysy Jánibek Abıýrov III oryn – qola medaldy oljalady. Jetekshisi Shaızada Iskakova.
Matematıka páninen 9-synyp oqýshysy Nárik Medına III oryn alyp, qola júldege ıe boldy. Jetekshisi Samat Iztóleýov.
10-synyp oqýshysy Mıras Qaraǵyzov matematıka páninen jáne 10-synyp oqýshysy Beksultan Qarjaýbaı fızıka páninen gramotalarmen madaqtaldy.
Respýblıkalyq deńgeıde top jarǵan oqýshylardy jáne olardyń ustazdaryn Jańaarqa aýdanynyń ákimi Qanat Qojyqaev saltanatty túrde qabyldady.
«Sizder tek óńirimizdiń emes, eldiń de úmitin aqtap otyrsyzdar. Bilimge degen yqylastaryńyz – bolashaqtyń kepili. Izdenisti toqtatpaı, alǵa jyljı berińizder. Biz árdaıym qoldaımyz», dep izgi tilegin jetkizdi aýdan ákimi.
Kezdesý barysynda aýdan basshysy olımpıada jeńimpazdaryn quttyqtap qoımaı, júldeli oryn alǵan oqýshylarǵa smartfon, madaqtamamen marapattalǵan oqýshylarǵa planshet tabystady. Sonymen qatar jetekshi ustazdar aýdan ákiminiń alǵys hatymen marapattaldy.
Ulytaý oblysy
