Foto: QMA
Agenttik Qazaqstan aýmaǵynda onlaın-kazınolardyń qyzmetine tolyq tyıym salynǵanyn eske saldy. Mundaı resýrstar salyq tólemeıdi, klıentterdi tirkemeıdi, balalar men jastardy tartady jáne qoǵamnyń psıhıkalyq densaýlyǵyna zııan tıgizedi.
«Shemany júzege asyrý úshin fınteh-servısterdiń ıeleri býkmekerlik keńselermen jasalǵan jalǵan sharttar negizinde alynǵan «sur» POS-termınaldar men Terminal ID qoldanǵan», delingen habarlamada.
Anyqtalǵan zańsyz qarjy aınalymy 600 mlrd teńgeden asqan. Bul shemaǵa 20-dan astam tólem uıymy jáne birqatar ekinshi deńgeıli bankterdiń qyzmetkerleri qatysqan.
«Sonymen qatar tórt onlaın-kazınoǵa tehnıkalyq qoldaý kórsetip, aqsha operasııalary boıynsha keńes bergen Call-ortalyqtyń qyzmeti toqtatyldy. Onyń zańsyz jumysyna Qazaqstan, Reseı, Belarýs, Ispanııa jáne Vetnam azamattarynan quralǵan 120 adam tartylǵan. Budan bólek, Call-ortalyq uıymdastyrýshylary krıptovalıýta arqyly qarajat qabyldap, shyǵarýdy júzege asyrǵan gemblıng negizindegi seriktestik baǵdarlamasyn qurǵan. Onyń aınalymy 200 mln USDT-ten asyp tústi», dep habarlady agenttiktiń baspasóz qyzmeti.
Jedel sharalar kezinde 70-ten astam tintý júrgizilip, zattaı aıǵaqtar alynǵan. Sot sanksııasymen toǵyz adam qamaýǵa alyndy, olardyń qatarynda «Tólem uıymdary qaýymdastyǵy» ZTB basshysynyń keńesshisi de bar. Sondaı-aq shetel azamattary bar segiz kúdiktige halyqaralyq izdeý jarııalaýǵa qujattar daıyndalyp jatyr.
Agenttik zańsyz qumar oıyndaryn jarnamalaý nemese oǵan járdemdesý áreketteriniń barlyǵy qylmystyq qyzmetke kómektesý retinde qarastyrylatynyn jáne jaýapkershilikke mindetti túrde aparatynyn eskertti.
