Qoǵam • 08 Jeltoqsan, 2025

QTJ jańa plaskart vagondaryn tanystyrdy

30 ret

kórsetildi

1 mın

oqý úshin

«Jolaýshylar tasymaly» AQ men «Stadler Kazakhstan» JShS kompanııasy el ishinde paıdalanýǵa beriletin jańa úlgidegi plaskart vagonnyń sýretterin usyndy. Zamanaýı vagondar elimizdiń klımattyq erekshelikterin, uzaq baǵyttardaǵy júktemeni jáne halyqaralyq standarttardy eskere otyryp jasalǵan, dep jazady Egemen.kz

Dana MYRZAQADIR

Foto: «Jolaýshylar tasymaly» AQ

Atalǵan plaskart vagondar 58 jolaýshyǵa arnalǵan. Vagondy jobalaý kezinde kireberis bóliginde júk qoıýǵa arnalǵan sóreler, jolserikke bólek demalys aımaǵy, shaǵyn asúı jáne basqarý bólimi qarastyrylǵan.

Sondaı-aq, joǵarǵy oryndarǵa shyǵýǵa arnalǵan jańa úlgidegi baspaldaq ornatylǵan. Ár oryn jeke shammen, 220 volttyq rozetka jáne USB jáne USB-C porttarymen jabdyqtalǵan. Tómengi oryndardyń astynda eki bagajdy qoıýǵa arnalǵan arnaıy oryn bar. Al ortalyq ústel 200 kg-ǵa deıingi salmaqty kótere alady.

Alǵashqy otandyq Stadler vagondary 2026 jyldan bastap myna baǵyttarda qatynaıdy:
• № 3/4 «Astana – Almaty»
• № 353/354 «Astana – Semeı»
• № 85/86 «Astana – Shymkent»
• № 47/48 «Astana – Atyraý»

Jańa vagondardyń alǵashqy legi jyl sońyna deıin «Jolaýshylar tasymaly» AQ-ǵa beriledi. Kelisim aıasynda Stadler kompanııasy óndirilgen vagondarǵa 20 jyl boıy servıstik qyzmet kórsetedi.