Foto: QTJ baspasóz qyzmeti
Onyń aıtýynsha, 11 aıdaǵy kórsetkish kılometrine 264 mlrd boldy. Bul ótken jyldyń sáıkes kezeńimen salystyrǵanda 7,4%-ǵa joǵary. Eldiń júıe quraýshy kásiporyndarynan eksporttyq júkterdi tasymaldaý 80 mln tonnany (+6,5%) qurady. Bul rette eń belsendi dınamıka shyǵys baǵytta baıqalady. Saýda-sattyqqa uzyndyǵy 836 shaqyrym bolatyn Dostyq – Moıynty ýchaskesinde jumysshy qozǵalysy ashylǵan ekinshi joldardyń qurylysy aıaqtaldy.
«Budan bólek, jyldyń 11 aıynda tranzıt tasymaly da jyl saıyn artyp otyr. Dostyq – Moıynty ýchaskesindegi ekinshi joldardyń ashylýy serpin berip, Qytaıǵa baǵyttalatyn otandyq eksport 11% ósti», dep atap ótti Talǵat Aldybergenov.
Sonymen qatar Memleket basshysynyń ınfraqurylymdy jańartý jónindegi tapsyrmasyn oryndaý sheńberinde osy jyly búkil el boıynsha temir joldardyń eleýli ýchaskeleri kúrdeli jóndeýmen qamtyldy. Prezıdent qozǵalys qaýipsizdigin qamtamasyz etý jáne poıyzdardyń jyldamdyǵyn arttyrý úshin 11 myń shaqyrym temir jolǵa jóndeý jumystaryn júrgizý mindetin qoıdy.
Ulttyq kompanııa basshysy baıandaǵandaı, jumystar keste boıynsha júrgizilip keledi. Búgingi tańda 4 375 shaqyrym jol jóndeldi. Qoldanystaǵy jelilerdi jóndeýmen qatar jańa jelilerdiń belsendi qurylysy jáne jalpy uzyndyǵy shamamen 3 myń shaqyrym ýchaskelerde zamanaýı avtobloktaý júıelerin engizý júrgizilýde.
«Memleket basshysynyń 11 myń shaqyrym temir joldy jóndeý jónindegi tapsyrmalaryn oryndaý aıasynda búgingi kúni 4 375 shaqyrym jóndeý jumystary jalǵasyp jatyr. Sondaı-aq 7 ýchaskede avtobloktaýdy jańǵyrtý jáne engizý boıynsha jumystar júrgizilýde. Jumystardy aıaqtaý kelesi jylǵa josparlandy», dep atap ótti «QTJ» basqarma tóraǵasy.Aıta keteıik, buǵan deıin Qazaqstan 42 elmen avtokólik arqyly júk tasymalyn júzege asyratynyn habarlaǵan edik.
