Foto: Aqorda
Qasym-Jomart Toqaevqa iskerlik belsendilik, ınflıasııaǵa yqpal etetin faktorlar jáne baǵany turaqtandyrý úshin qabyldanǵan sharalar týraly aıtyldy. Úkimet, Ulttyq bank pen Qarjy naryǵyn retteý jáne damytý agenttigi 2026-2028 jyldarǵa arnalǵan makroekonomıkany turaqtandyrý jáne halyqtyń ál-aýqatyn arttyrý jónindegi birlesken is-qımyl baǵdarlamasyn júzege asyrýǵa kiristi.
Memleket basshysyna qarjy, valıýta jáne memlekettik baǵaly qaǵazdar naryqtaryndaǵy jaǵdaı, Ulttyq qor men Biryńǵaı zeınetaqy jınaqtaýshy qory aktıvteriniń, altyn-valıýta rezervteriniń jaı-kúıi týraly málimet berildi.
Jyl basynan beri Ulttyq qordyń valıýtalyq aktıvteri 4,8 mıllıard dollarǵa ósti. 11 aıdaǵy ınvestısııalyq tabys shamamen 8,2 mıllıard dollardy nemese 13,7 paıyzdy qurady. Esepti kezeńde altyn-valıýta rezervteri 16,3 mıllıard dollarǵa nemese 36 paıyzǵa ulǵaıyp, 62,1 mıllıard dollarǵa jetti. BJZQ zeınetaqy aktıvteriniń kólemi bıyl qańtar-qarasha aılarynda 2,6 trıllıon teńgege nemese 11,7 paıyzǵa artyp, 25 trıllıon teńge boldy.
Qasym-Jomart Toqaevqa jappaı sıfrlandyrý barysy jáne Ulttyq banktiń sıfrlyq jobalary jóninde baıandaldy. Sonyń ishinde Antıfrod ortalyqtyń jumysyna, ulttyq sıfrlyq qarjy ınfraqurylymdaryn tehnologııalyq turǵydan júzege asyrýǵa mán berildi.
Tımýr Súleımenovtiń aıtýynsha, Ulttyq bank baǵa turaqtylyǵyn saqtap, ınflıasııany ortasha 5 paıyzdyq mejede ustap turý úshin barlyq qajetti sharany qabyldaýda.
Kezdesý sońynda Prezıdent ınflıasııany tómendetýge, qarjy naryǵy men sıfrlyq transformasııa sektorynyń turaqtylyǵyn qamtamasyz etýge basa nazar aýdaryp, Ulttyq bank qyzmetine qatysty birqatar tapsyrma berdi.
