Foto: gov.kz
«Qaıtys bolǵannan keıingi donorlardan jasalǵan transplantattaý sany ótken jylmen salystyrǵanda 2,6 esege artty, al bıylǵy donorlardyń sany 10 aıdyń qorytyndysy boıynsha eki esege (6-dan 16-ǵa deıin) artty. eGov.kz saıtyndaǵy azamattardyń jalpy erikti nıet bildirý kórsetkishi 27%-ǵa ósti, al kelisim úlesi 63%-ǵa jetti», dedi Respýblıkalyq transplantattaýdy jáne joǵary tehnologııalyq medısınalyq qyzmetterdi úılestirý ortalyǵynyń basshysy Aıdar Seıitqazınov.
2024 jylmen salystyrǵanda qaıtys bolǵannan keıingi donorlardan jasalatyn transplantattaýlar sany eki esege kóbeıdi, tiri donorlardan jasalatyn operasııalar sany 2,5%-ǵa artty.
Operasııalyq belsendiliktiń ósimine ınfraqurylymnyń keńeıýi yqpal etti. Elde byltyrǵy 7 ortalyqtyń ornyna búginde 11 transplantattaý ortalyǵy jumys isteıdi.
Búginde 4521 Qazaqstan azamattary aǵza aýystyrýdy kútip keledi, kútý paraǵyndaǵy pasıentterdiń arasyndaǵy ólim 4,6%-ǵa tómendedi.
Sondaı-aq donorlyq belsendiliktiń eń joǵary kórsetkishi Almaty men Astana qalalarynda, Pavlodar, Shyǵys Qazaqstan, Soltústik Qazaqstan, Almaty, Jambyl jáne Batys Qazaqstan oblystarynda baıqaldy.
Aıta keteıik, Almatyda qaıtys bolǵan donor 4 adamnyń ómirin saqtap qalǵan edi.
