Foto: istockphoto.com
Almaty oblysy PD málimetinshe, Audi A6 kóliginiń júrgizýshisi róldi basqara almaı, qarsy jolaqqa shyǵyp ketken. Sol jerde Nissan Cefiro avtokóligimen soqtyǵysqan.
Apat saldarynan eki kóliktiń júrgizýshileri men eki jolaýshy alǵan jaraqattarynan oqıǵa ornynda kóz jumdy. Taǵy úsh jolaýshy túrli dene jaraqattarymen aýrýhanaǵa jetkizildi.
Qazirgi ýaqytta bolǵan oqıǵanyń barlyq mán-jaıy anyqtalyp, sotqa deıingi tergeý júrgizilip jatyr.
Tergeý barysy óńirlik polısııa departamenti basshylyǵynyń baqylaýyna alyndy.
Buǵan deıin elordada qalyń qar jaýyp, joldardyń taıǵaq bolýy saldarynan 93 jol-kólik oqıǵasy tirkelgenin habarlaǵan edik. Qalalyq polısııa departamenti júrgizýshilerge aýa raıynyń qolaısyzdyǵyn eskerip, jyldamdyqty azaıtý jáne kólikter arasyndaǵy qashyqtyqty saqtaýdy usynady.
