Foto: sportilinet.kz
Aıta keteıik, 2015 jylǵy maýsymda «Astana» jastar komandasy barlyq alty kezdesýde jeńilis tapqan edi.
Matchtyń tórtinshi mınýtynda shabýylshy Ramazan Baǵdat esep ashty – 1:0. Erte soǵylǵan gol grekterdi oıyn órnegin ózgertýge májbúr etti, biraq almatylyqtar qorǵanysta saýatty, al qarsy shabýylda ótkir oınady.
Ekinshi taımda «Qaırat» taǵy bir múmkindikti kádege jaratty. 57-mınýtta Muhamedáli Ábish qarsylastyń qateligin paıdalanyp, esepti eseledi – 2:0.
Kezdesýde el fýtbolyndaǵy eń tanymal jas qaqpashy sanalatyn Sherhan Qalmurza «Qaırattyń» qaqpasyn qorǵady.
Nátıjesinde almatylyq komanda 4 upaı jınap, jalpy reıtıngte 28-orynǵa kóterildi. Al 7 upaıy bar «Olımpıakos» 20-orynda tur.
Esterińizge sala keteıik, búgin «Qaırat» pen «Olımpıakostyń» negizgi quramy kezdesedi. Oıyn saǵat 20:20-da bastalyp, tikeleı efırde «Qazaqstan» telearnasynan kórsetiledi.
