Ol Syrtqy ister mınıstri Ermek Kósherbaevtyń Venaǵa jumys sapary barysynda EQYU SIM keńesi aıasynda Ýkraına syrtqy ister mınıstrimen kezdesý ótkizgenin eske saldy.
«О́kinishke qaraı, men bul kezdesýge qatysqan joqpyn, biraq jaqyn júrdim. KTK máselesiniń mindetti túrde talqylanǵanyna senimdimin. Bul taqyrypqa qatysty qosymsha pikir bildirmeımiz. Ýkraına tarapymen baılanysta otyrmyz. Jabyq dıplomatııalyq arnalar arqyly jumysty jalǵastyramyz. Elshiler deńgeıinde de jumys istep jatyrmyz», dedi A.Smadııarov SIM-degi brıfıng barysynda.
Aıta keteıik, 29 qarasha kúni, Astana ýaqytymen tańǵy saǵat 06:00-de Novorossıısk qalasynda ornalasqan port aýdanyndaǵy teńiz ınfraqurylymyna ushqyshsyz qurylǵylar shabýyldaǵan. Saldarynan aılaqtaǵy tıeý qondyrǵysy (ATQ-2) isten shyǵyp qaldy.
Ýkraına shabýylyna qatysty áýeli Qazaqstan Syrtqy ister mınıstrligi, odan soń Ýkraına Syrtqy ister mınıstrligi málimdeme jasady.
Sondaı-aq Kaspıı Qubyr Konsorsıýmyna (KTK) jasalǵan sońǵy shabýyl Qazaqstan ekonomıkasyna ǵana emes, qarapaıym azamattarǵa da yqpal etýi múmkin. Sebebi eldegi gaz óndirisi men qysqy maýsymdaǵy tutyný kólemi bul ınfraqurylymǵa tikeleı baılanysty.
