Foto: f.c.kairat
SofaScore dereginshe, qaqpashy Temirlan Anarbekov osy oıynnyń absolıýtti úzdigi atandy. Ol match barysynda segiz birdeı qaýipti soqqyny qaıtaryp, joǵary deńgeıde óner kórsetti. Nátıjesinde golkıper 9.2 upaı alyp, kezdesýdiń eń úzdik oıynshysy dep tanyldy.
Anarbekovten keıingi joǵary baldy «Qaırat» qorǵaýshylary Erkin Tapalov pen Egor Sorokın jınady – ekeýine de 7.2 degen baǵa qoıylǵan.
Al «Olımpıakosqa» jeńis syılaǵan jalǵyz goldyń avtory Jelson Martınsh bul oıynda 7.5 reıtıng aldy.
Aıta keteıik, Temirlan Anarbekov – Chempıondar lıgasy matchynda MVP ataǵyn ıelengen alǵashqy qazaq fýtbolshysy.
Esterińizge sala keteıik, keshe chempıondar lıgasynyń 6-týrynda «Qaırat» grekııalyq «Olımpıokospen» oınap, 0:1 esebimen jeńildi.
Al «Qaırat U19» komandasy óz alańynda grektiń «Olımpıakosyn» 2:0 esebimen tize búktirip, týrnır tarıhyndaǵy tuńǵysh jeńisine qol jetkizdi.
