Foto: Qorǵanys mınıstrligi
Elge oralǵan jas ánshini Qorǵanys mınıstri, avıasııa general-leıtenanty Dáýren Qosanov qabyldap, sheteldegi aıryqsha jetistigimen quttyqtady.
Ásirese onyń ata-anasyna erekshe alǵys bildirdi. Aıta ketsek, Jasmınanyń ákesi Murat О́teev – Aýǵan soǵysynyń ardageri, al anasy Gúlzııa – kásibı mýzykant.
«Kez kelgen baıqaý – ata-ana úshin úlken synaq. Jasmınanyń batyldyǵy men patrıottyq sezimi – talaı qıyndyqty eńserip, jigerin saqtaı bilgen ákesiniń mineziniń kórinisi. Al vokaldyq sheberligi – anasynyń eńbegi. Onyń kásibı bilimi men qoldaýy bul jetistikke jetýde sheshýshi ról atqardy», dep atap ótti Qorǵanys mınıstri.
Avıasııa general-leıtenanty, sondaı-aq, Jasmınanyń jetistigi «Jas sarbaz» áskerı-patrıottyq qozǵalysynyń barlyq tárbıelenýshisi úshin shabyt beretin úlgi bolǵanyn aıtty.
«Jasmına sııaqty daryndy, eńbekqor balalardyń ósip kele jatqany – elimizdiń jarqyn bolashaǵynyń aıǵaǵy. Shyǵarmashylyq jolyń jańa shyńdarǵa jetelep, talantyńnyń barlyq qyryn ashýǵa múmkindigiń kóp bolsyn», dep tiledi mınıstr.
Ol Jasmına Túzelovaǵa alǵys hat pen baǵaly syılyq tabys etti. О́z kezeginde «Jas sarbaz» múshesi ańyzǵa aınalǵan «Álııa» ánin oryndap, jınalǵandardy erekshe tolqytty.
