Foto: Úkimet
Aımaqtyń Jambyl aýdany aýmaǵyndaǵy Qyzylsharyq, Jańaótkel, Juma aýyldarynda jumystar aıaqtaldy. Talas aýdanyna qarasty Qaraoı aýylynda sý qubyry iske qosyldy. Buryn ol jerde ortalyqtandyrylǵan sýmen jabdyqtaý bolmaǵan. Jobanyń jalpy quny 933,4 mln teńgeni qurady, onyń 106,7 mln teńgesi tikeleı Arnaýly memlekettik qordan bólindi.
Al osy jyldyń sońyna deıin tapsyrý josparlanǵan 8 nysan oblystyń shalǵaı aýdandaryndaǵy jobalar. Moıynqum aýdanynda Shyǵanaq, Myńaral, Qumózek stansalarynda, sondaı-aq Moıynqum, Bınazar, Birlik aýyldarynda jeliler rekonstrýksııalanyp, Sarysý aýdanynda sý qubyryn rekonstrýksııalaý Jaıylma, Maıatas aýyldaryn qamtıdy, al Qordaı aýdanynda Qarasaı batyr aýylynda jeliler qurylysy júrip jatyr.
Úkimettiń baspasóz qyzmetiniń málimdeýinshe, Prezıdent tapsyrmasyna sáıkes oblysta halyqty 100% aýyz sýmen qamtý mindeti júzege asyrylyp jatyr. 2025 jyldyń 10 aıynyń qorytyndysy boıynsha óńir qalalarynda qamtamasyz etý – 98%-dy, aýyldyq eldi mekenderde – 99,3%-dy quraıdy. Oblysta barlyǵy 23 sýmen jabdyqtaý jobasy júzege asyrylyp jatyr, onyń 13-i paıdalanýǵa berildi.
