Foto: «SENKI» AQ
RTVI dereginshe, qarasha aıynyń sońynda zymyran ushyrý kezinde qıraǵan platformanyń ornyna qosalqy qyzmet kórsetý platformasy ornatylady. Bul jańa platformany salýmen salystyrǵanda zaqymdanǵan ushyrý alańyn jóndeýge ketetin ýaqytty aıtarlyqtaı qysqartady.
Aldyn ala málimetterge súıensek, qordaǵy platforma tabylǵan. Derekkózdiń aıtýynsha, bul basqa ǵarysh aılaqtarynda – Plesesk, Baıqońyr, Vostochnyı nemese Kýrýda paıdalanylyp turǵan platformalardyń biri emes, naqty qorda saqtalǵan qosalqy nusqa.
Bıyl 27 qarashada bolǵan apat Reseıdiń pılotty ǵarysh baǵdarlamasyn uzaq ýaqytqa toqtatýy múmkin. О́ıtkeni zaqymdanǵan start kesheni – Halyqaralyq ǵarysh stansııasyna (HǴS) «Soıýz» kemelerin ushyrýǵa arnalǵan jalǵyz keshen.
